කොළඹ – කටුනායක අධිවේගී මාර්ගයේ ජා-ඇළ පිවිසුමේ දී අද (24) දින සවස 3.00ට පමණ මෝටර් රථයක් පෙරළී ගොස් ඇති බව ‘ලංකාදීප’ වාර්තා කරනවා.
සිද්ධිය දුටු අයෙක් පවසා ඇත්තේ අධිවේගී මාර්ගය දෙස සිට ජාඇළ දෙසට ගමන් කරමින් තිබූ කාර් රථයක් එක් වරම මාර්ගයේ මැද ඇති දූපත කොටසෙහි වැදී පෙරළී මීටර් 20 ක් පමණ ඉදිරියට ඇදී ගිය බවයි.
අනතුර සිදු වීමත් සමග මෝටර් රථ ය පදවාගෙන පැමිණි අය ඉන් ඉවතට පැන ඇති අතර අනතුරින් කිසිවකුටත් තුවාල සිදු වී නැහැ.
මෙම ස්ථානයේ රථ වාහන පෙරලීම්වලින් සිදු අනතුරු හේතුවෙන් පුද්ගලයන් දස දෙනෙකු පමණ මින් පෙර අවස්ථාවලදී මරණයට පත්ව ඇති බවද එම ප්රදේශයේ ජනතාව පවසා තිබෙනවා.