ලෝක වෙළෙඳපොළේ මිල වැඩිවීම අනුව යම් කිසි ආකාරයක මිල වැඩි වීමක් ඉදිරියේදී සිදුවන බව සමුපකාර සේවා, අලෙවි සංවර්ධන හා පාරිභෝගික ආරක්ෂණ රාජ්ය අමාත්ය ලසන්ත අලගියවන්න මහතා පවසනවා.
ඒ, අද(21) රජයේ වාණිජ විවිධ නීතිගත සංස්ථාවේ නව Q-shop අලෙවි සලෙහි මෙහෙයුම් කොටුව දුම්රිය ස්ථාන පරිශ්රයේදී ආරම්භ කිරීමේ අවස්ථාවට සහභාගි වෙමින්.
තිරිඟු පිටි, කිරිපිටි, ගෑස් , සිමෙන්ති පිළිබඳව සාකච්ඡාවලින් පසු ලැබෙන තීරණය මේ සතියේ දැනුම් දෙන බවයි රාජ්ය අමාත්යවරයා පවසන්නේ.
කෙසේ නමුත්, මිල ඉහළ දැමීමේ දී පාරිභෝගිකයා ආරක්ෂාකරගැනීම සඳහා අදාල ආනයනික සමාගම්වලට දැඩි කොන්දේසි පැනවූ බවත් ලසන්ත අලගියවන්න මහතා පවසනවා.
මිල වැඩි කර මාස තුනක් යන තෙක් නැවත මිල වැඩි කිරීමට ඉල්ලීම් කිරීමට නොහැකි බවත් මිල ඉහළ දැමීමෙන් පසුව අඛණ්ඩව වෙළෙඳපොලට සැපයුම් කළ යුතු බවටත් ආනයනික සමාගම්වලට දන්වා ඇති බවයි ඔහු පවසන්නේ.