බීජිං ඇතුළු චීනයේ කොවිඩ් ආසාදිතයින්ගේ ඉහළ යාම නිසා කොවිඩ් වසංගතයෙන් දැඩි ලෙස පීඩාවට පත් දිස්ත්රික්කවල ව්යාපාර සහ පාසල් වසා දැමීම සහ බීජිං නගරයට ඇතුළු වීමේ දී නීති දැඩි කර ඇති බව වාර්තා වේ.
චීනය මධ්යම හෙනාන් පළාතේ ෂෙන්ෂු සිට නිරිත දෙසින් චොංකිං දක්වා කොවිඩ්-19 අසාදිතයින් රැසක් වාර්තා වී ඇති අතර පසුගියදා නව දේශීය රෝගීන් 26,824 ක් වාර්තා කළ අතර එය අප්රේල් මාසයෙන් පසු රටේ දෛනිකව වාර්තා වූ ඉහලම අගයයි.
බීජිං හි කොවිඩ් මරණ දෙකක් ද වාර්තා කර ඇති අතර එය මැයි අග සිට චීනයේ වාර්තා වූ පළමු අවස්ථාව විය.
චීනයේ මෑත කාලීන කොවිඩ් ව්යාප්තියෙන් විශාලතම බලපෑම එල්ල වී ඇත්තේ මිලියන 19 කට ආසන්න ජනගහනයක් සිටින දකුණු නගරයක් වන ගුයෑග්ෂු ප්රදේශයේයි.
එහි වඩාත්ම ජනාකීර්ණ දිස්ත්රික්කය වන බයියුන් සඳහා දින පහක් අගුලු දැමීමට නියෝග කර තිබේ.
චීනයේ තීව්ර වන කොවිඩ් තත්වයෙන් ආර්ථික බිඳවැටීම පිළිබඳ ආයෝජකයින්ගේ කනස්සල්ල මධ්යයේ ආසියානු කොටස් වෙලඳපොලවල් සහ තෙල් මිල පසුගියදා පහත වැටුණි.
බීජිං ඉරිදා නව ආසාදන 962 ක් වාර්තා කළ අතර එය දිනකට පෙර 621 සිට ඉහළ ගොස් ඇති අතර සඳුදා පළමු පැය 15 තුල තවත් රෝගීන් 316 ක් වාර්තා විය.
නගර බලධාරීන් පැවසුවේ චීනයේ වෙනත් තැන්වල සිට අගනුවරට පැමිණෙන පුද්ගලයින්ට තම නිවෙස්වලට හෝ නවාතැන්වලට යාමට අවසර දීමට පෙර දින තුනක කොවිඩ් පරීක්ෂණවලට භාජනය විය යුතු බවයි.