ූපවාහිනී නාට්ය ඉලක්ක කරගෙන චීනය විසින් හදුන්වාදුන් නව නීති පද්ධතියක් හරහා එරට කලාකුවන්ට දැඩී සීමා පනවා ඇතැයි වාර්තා වේ.
චීන රජයේ ගුවන්විදුලි හා රූපවාහිනි පරිපාලනය විසින් පසුගියදා හදුන්වා දුන් රූපවාහිනී නාට්ය ඉලක්ක කරගත් සංවර්ධන සැලැස්ම යටතේ මෙම සීමා කිරීම් ක්රියාත්මක වේ.
එහිදී රංගන ශිල්පීන්ගේ මුළු ගෙවීම් ප්රසංගයක නිෂ්පාදන පිරිවැයෙන් 40% නොඉක්මවිය යුතු බවත් ප්රධාන රංගන ශිල්පීන්ගේ ගෙවීම් සමස්ත රංගන ශිල්පීන්ගේ මුළු ගෙවීම්වලින් 70% නොඉක්මවිය යුතු බවත් නියම කර ඇති බව ග්ලෝබල් ටයිම්ස් වාර්තාවක දැක්වේ.
නීතිවිරෝධී සහ සදාචාර විරෝධී කටයුතුවල නිරත වන කලාකරුවන්ට රූපවාහිනී නාට්යවල පෙනී සිටීම තහනම් කිරීමට ද මෙමගින් පියවර ගෙන ඇති අතර රූපවාහිනී නාට්ය ක්ෂේත්රයේ තැරැව්කරුවන් සහ තැරැව්කාර සමාගම් නියාමනය කිරීමට මෙන්ම ක්ෂේත්රයේ නීති රෙගුලාසි කඩකරන්නන් සඳහා දඬුවම් ක්රියාත්මක කිරීමට ද මෙමගින් නිර්දේශ කර තිබේ.
මූලිකව රූපවාහිනී කතා මාලාවන් ඉලක්ක කර ගත යුත්තේ මාතෘභූමිය හා වීරයන් වර්ණනා කරන කෘති එළිදැක්වීම සහ චීන කොමියුනිස්ට් පක්ෂය විසින් රට පාලනය කිරීම පිළිබඳ තේමාවන් ප්රවර්ධනය කිරීමට බව ද එහි දැක්වේ.