චීනය සහ පකිස්තානය අතර අත්සන් තැබූ නව න්යෂ්ටික ගිවිසුම හේතුවෙන් ලෝකයේ න්යෂ්ටික තරඟය නව අර්බුදකාරී තරගයකට අවතීර්ණ වනු ඇති බවට වාර්තා පළව තිබේ.
චීනය සහ පකිස්තාන පසුගියදා න්යෂ්ටික බලශක්ති සහයෝගීතා ගිවිසුමකට අත්සන් තැබූ අතර එය වසර දහයක කාලයක් සදහා වලංගු වේ.
මෙහිදී න්යෂ්ටික තාක්ෂණය හුවමාරු කරගැනීම, යුරේනියම් කැණීම සහ සැකසීම, න්යෂ්ටික බලශක්ති සැපයුම සහ පර්යේෂණය වැනි ක්ෂේත්ර ගණනාවක් සම්බන්ධයෙන් කටයුතු කිරීමට නියමිතය.
මේ සම්බන්ධයෙන් අදහස් දක්වන භුදේශපාලනික විචාරකයන් සදහන් කරන්නේ මෙම චීන පකිස්තාන ඒකාබද්ධ න්යෂ්ටික ප්රවේශය හරහා ඉන්දියාව ද සිය න්යෂ්ටික ක්රියාකාරකම් පුලුල් කරනු ඇති බවයි.
එහි ප්රතිඵලයක් ලෙස දකුණු ආසියාවේ න්යෂ්ටික බල තරඟය වෙනස්ම මුහුණවරකට අවතීර්ණ වනු ඇති බව එම විශ්ලේෂකයෝ වැඩිදුරටත් සදහන් කරති.