වයස අවුරුදු 15 ක් පමණ වයසැති පාසල් සිසුවියක් ලිංගික අපයෝජනයට ලක් කළ බව කියන ‘චූන් පාන්’ වෙළෙන්දකු අත්අඩංගුවට ගත් බව එඩේරමුල්ල පොලිසිය පවසනවා.
සැකකරු බාල වයස්කාර දැරිවිය සමග ප්රේම සම්බන්ධතාවයක් ඇති කරගෙන විවාහ කරගන්නා බවට පොරොන්දු වී මිනුවන්ගොඩ ප්රදේශයේ කුලී පදනම මත ලබාගත් නිවසක දැරිවිය සමග ජීවත් වෙමින් සිටියදී එඩේරමුල්ල පොලිසිය ඔහුව මෙලෙස අත්අඩංගුවට ගෙන තිබෙනවා.
අදාල පුද්ගලයා රත්නපුර ප්රදේශයේ ස්ථිර පදිංචිය ඇති එඩේරමුල්ල ප්රදේශයේ කුලී පදනම මත පදිංචි වී සිටින 29 හැවිරිදි විවාහක පුද්ගලයකු බවයි පොලිසිය පවසන්නේ.
මෙම සැකකරුගේ නීත්යානුකුල බිරිඳ නිවුන් දරුවන් අපේක්ෂාවෙන් සිටින ගැබිණි මවක් බවත් මෙම සැකකරු මීට පෙර දෙවතාවක් මෙවැනි අපරාධ සිදුකර ඇති බවත් එම අවස්ථාවලදී පොලිසියට නොපැමිණ වින්දිත පාර්ශවයට මුදල් ලබා දී සමථයකට පත් කරගෙන ඇතිබවත වැඩි දුර විමර්ශන වලදී අනාවරණය වූ බව එඩේරමුල්ල පොලිසියේ ළමා හා කාන්තා කාර්යංශය පවසනවා .
මේ සම්බන්ධව වැඩිදුර පරීක්ෂණ සිදු කෙරෙන බවත් පොලිසිය පවසනවා.