උරගයින්ගේ හම්වලින් සාදන ලද අත් බෑග ගෙන්වීමේ ජාවාරමකට සම්බන්ධ බවට වරදකරු වූ කොලොම්බියානු ජාතික සුඛෝපභෝගී අත්බෑග් නිර්මාණ ශිල්පිනියකට මාස 18ක සිර දඬුවමක් නියම කර තිබෙනවා.
Sex and the City කතා මාලාවේ සිටි නළු නිළියන් සඳහා මෙන්ම බ්රිට්නි ස්පියර්ස් වැනි සුප්රසිද්ධ චරිත වෙත අත්බෑග් නිර්මාණය කරන ලද, නැන්සි ගොන්සාලිස් (Nancy Gonzalez) හට මෙලෙස දඬුවම් නියම වී ඇති බව විදෙස් මාධ්ය පවසනවා.
මියාමි ෆෙඩරල් අධිකරණයෙන් ඊයේ (22) මෙම නියෝගය ලබා දී තිබුණා.
මේ වන විට 71 හැවිරිදි වියේ පසුවන නැන්සි, කිඹුලන්ගේ සහ පිඹුරන්ගේ හම්වලින් සාදන ලද අත් බෑග් නීති විරෝධී ලෙස ආනයනය කිරීම සම්බන්ධයෙන් චෝදනා ලබා සිටිනවා.
කොලොම්බියාව සහ එක්සත් ජනපදය සත්ත්ව හා වෘක්ෂලතා විශේෂවල ජාත්යන්තර වෙළඳාම පිළිබඳ සම්මුතියට (CITES) අත්සන් තබා ඇති අතර, කිඹුලන් සහ පිඹුරන් ආදී උරඟ විශේෂයන් ආරක්ෂා කිරීම එහි එක් අරමුණ වී තිබෙනවා.