ශ්‍රී ලංකාවට වර්ණවත් ජයක්

සංචාරක දකුණු අප්‍රිකානු කණ්ඩායම සමග පැවති පළමු එක්දින තරඟය ලකුණු 14කින් ජය ගැනීමට ශ්‍රී ලංකා කණ්ඩායම සමත් වුණා.

කොළඹ ආර්. ප්‍රේමදාස ක්‍රීඩාංගණයේ පැවති තරඟයේ කාසිය වාසිය දිනු ශ්‍රී ලංකා නායක දසුන් ශානක පළමුව පන්දුවට පහරදීමට තීරණය කළා.

නියමිත පන්දුවාර 50 තුළ ශ්‍රී ලංකා කණ්ඩායම කඩුලු 9ක් දැවී ලකුණු 300 ක් රැස් කරගත්තා.

ශ්‍රී ලංකා ඉනිමේ 14වන පන්දුවාරයේදී විනිසුරු රුචිර පල්ලියගුරුගේ⁣ට සිදුවූ අතපසුවීමක් හේතුවෙන් නීත්‍යානුකූල පන්දු හතක් යොමු කර තිබීමත් විශේෂත්වයක්.

විශිෂ්ඨ පිතිහරඹයක නිරත වූ අවිශ්ක ප්‍රනාන්දු ලකුණු 118ක් ලබා ගත්තා.

එය අවිශ්කගේ තුන්වන ජාත්‍යන්තර එක්දින ශතකයයි.

චරිත් අසලංක ලකුණු 72 ක් ලබාගත් ධනංජය ද සිල්වා ලකුණු 44යි.

ශ්‍රී ලංකාවේ inima ලංකා ඉනිමේ අවසන් පන්දුවාර 10 තුළ ලකුණු 90ක් රැස්කර ගැනීමට ශ්‍රී ලංකා පිතිකරුවන් සමත් වුණා.

පිළිතුරු ඉනිම ක්‍රීඩාකළ දකුණු අප්‍රිකානු කණ්ඩායමට නියමිත පන්දුවාර 50 තුළ කඩුලු 6ක් දැවී ලබා ගැනීමට හැකිවූයේ ලකුණු 286ක් පමණයි.

Aiden Markram ලකුණු 96ක් ලබා ගත්තද එය ජයග්‍රහණයට ප්‍රමාණවත් වුයේ නැහැ.

අවිශ්ක ප්‍රනාන්දු තරගයේ වීරයායි.

මෙම ජයත් සමග ලෝක කුසලාන සුපර් ලීග් ලකුණු සටහනේ ලකුණු 10ක් ද සමගින් තරග තුනකින් සමන්විත එක්දින තරඟාවලිය 1-0ක් ලෙස පෙරමුණ ගැනීමට ශ්‍රී ලංකා කණ්ඩායම සමත් වුණා.