මෙරටට මුදල් ගලා ඒමේ වර්ධනයක් දකින බව මහබැංකු අධිපති අජිත් නිවාඩ් කබ්රාල් මහතා පවසනවා.
ඒ, ඊයේ (07) ජනාධිපති මාධ්‍ය මධ්‍යස්ථානයේ දී පැවති සකච්ඡාවකදී.
යම්කිසි අවස්ථාවක පීඩනයක් පැමිණෙන විට කටයුතු කළ යුතු ක්‍රමය සාමාන්‍ය ක්‍රමයට වඩා මදක් වෙනස් බවත් එය තමා හොඳින් දන්නා බවත් ඔහු පවසනවා.
“පොඩි උදාහරණයක් මම දෙන්නම්. ඕවර් 50 ක්‍රිකට් මැච් එකක් ගහනවා නම් පළමු ඕවර් 10 දී විකට් හතරක් ගියෝතින් ඊළඟ ඕවර් කිහිපයේදී ඉතාමත් වේගයෙන් ගහන්න උත්සහ කරන්නේ නැහැ. ඒ වගේ තමයි මේ වගේ කාලයකත්. ” යැයි මහබැංකු අධිපතිවරයා පවසනවා.
රටතුල ස්ථායීභාවය නැවත වරක් ඇති කිරීම මෙම කාලයේ ප්‍රධාන අරමුන වී ඇති බවත් කිරිපිටි සඳහා වරායේ සියලුම බහාලුම් නිදහස් කර ඇති බවත් ඔහු පවසනවා.
ඇමරිකානු ඩොලර් මිලියන 1.1ක අගයකට කිරිපිටි සඳහා බහාලුම් ඇති බවට තොරතුරක් ලැබී ඇති බවයි කබ්රාල් මහතා පවසන්නේ.
එම බහාලුම් සඳහාත් මුදල් නිදහස් කර ඇති බව මහ බැංකු අධිපතිවරයා පවසනවා.
