ලංකා ධීවර සංස්ථාවේ නව සභාපතිවරයා ලෙස විදුලිබල හා බලශක්ති රාජ්ය අමාත්ය ඩී.වී. චානක මහතාගේ පියා වන ඩී.වී. උපුල් මහතා පත්කර තිබෙනවා.
රාජපක්ෂ පවුලේ සමීපතමයෙකු වන දකුණු පළාත් සභාවේ හිටපු ඇමැතිවරයකු වූ ඩී.වී. උපුල් මහතා හට අදාළ පත්වීම ලබාදී ඇත්තේ ධීවර හා ජලසම්පත් අමාත්ය ඩග්ලස් දේවානන්ද මහතා විසින්.
මෙම වසරේ ජනවාරි 12 වනදා අග්රාමාත්ය දිනේශ් ගුණවර්ධන මහතාගේ දකුණු පළාත් සම්බන්ධීකරණ ලේකම් තනතුර හිටපු දකුණු පළාත් සභා අමාත්ය ඩී.වී. උපුල් මහතාට ලබාදී තිබුණා.
එමෙන්ම ඩී.වී. උපුල් මහතා 2015 වසරේ මැයි 30 වනදා තිස්සමහාරාමයේ වීරවිල පැවති ජන හමුවකදී පොලිස් මූල්ය අපරාධ කොට්ඨාසයේ නිලධාරින්ට ගල් ගසා මරන බවට සිදු කළ ප්රකාශයක් සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කෙරුණා.
මහින්ද රාජපක්ෂ මහතාට හිතවත්ව කටයුතු කිරීම නිසා 2016 වසරේදී දකුණු පළාත් සභාවේ ධීවර හා පශු සම්පත් අමාත්යවරයා ලෙස කටයුතු කළ ඩී.වී. උපුල් මහතා එම අමාත්ය ධූරයෙන් ඉවත් කිරීමට මෛත්රිපාල සිරිසේන මහතා කටයුතු කළා.