මහනුවර ශ්‍රී දළදා මාලිගාවේ පොලිස් ස්ථානයේ නිලධාරීන් 21කට කොරෝනා වෛරසය ආසාදනය වී ඇත.
ශ්‍රී දළදා මාළිගා පොලිසියේ ප්‍රධාන පොලිස් පරීක්ෂකවරයෙකු ඇතුළු දෙදෙනෙකුට කොරෝනා වැළඳී ඇති බව තහවුරු වීමෙන් පසු තවත් පිරිසකට ජනවාරි (16) පී.සී.ආර්. පරීක්ෂණ සිදුකර තිබේ.
එහිදී මෙම පොලිස් නිලධාරීන්ද ආසාදිතයන් බව අනාවරණය වී ඇත. එම හේතුවෙන් දළදා මාළිගා පොලිසියේ පොලිස් නිලධාරීන් 231 දෙනෙකු ස්වයං නිරෝධායනයට යොමු කර ඒ වෙනුවට වෙනත් පොලිස් කණ්ඩායමක් එහි සේවයට යොදවා ඇත.
මේ අතර පොලිස් ස්ථානය තුළ කාර්යාල රාජකාරි කරන පොලිස් නිලධාරීන්ට පමණක් වෛරසය ආසාදනය වී ඇති බවත් මාලිගාව තුළ සේවය කරන පොලිස් නිලධාරීන් කිසිවෙකුට හෝ මාලිගාවේ කාර්ය මණ්ඩලයේ කිසිවෙකුට වෛරසය ආසාදනය වී නොමැති බවත් දියවඩන නිලමේ ප්‍රදීප් නිලංග දෑළ පැවසීය.
කෙසේ වෙතත් මාධ්‍ය මගින් සදහන් කර තිබුණේ එහි පොලිස් නිලධාරීන් සිව්දෙනෙකුට පමණක් වෛරසය ආසාදනය වී ඇති බවයි.
