ශ්‍රී දළදා මාලිගාවේ පසුගිය ඔක්තෝම්බර් මාසය සඳහා ලැබී තිබූ රුපියල් ලක්ෂ 27ක් වූ විදුලි බිල්පත සඳහා මහජන උපයෝගීතා කොමිසම පොරොන්දු වූ සහනයක් ලබාදී තිබෙනවා.
පසුගියදා මහජන උපයෝගිතා කොමිෂන් සභාවේ සභාපතිවරයා මහනාහිමිවරුන් බැහැදැක ප්‍රකාශ කළේ ආගමික ස්ථානවලට සහනයක් ලබා දෙන බවයි.
ආගමික ස්ථානවල විදුලි බිල්පත් ගාස්තු සංශෝධන සම්බන්ධයෙන් මතු වූ කතාබහක් සමඟ ආගමික ස්ථාන, පුණ්‍යායතන කාණ්ඩයෙන් ඉවත් කර පොදු කාර්ය යටතට ගැනුණා.
මේ අනුව ඉහළ නැංවූ ආගමික ස්ථානවල විදුලි ගාස්තුව ඊට සාපේක්ෂව 50% කින් පමණ පහත දැමීමට පියවර ගැනුණා.
කෙසේ වෙතත් මීට පෙර මාසයේ ශ්‍රී දළඳා මාලිගාව සඳහා රුපියල් ලක්ෂ 27ක විදුලි බිල්පතක් ලැබී තිබූ අතර අදාළ සහනය එම බිල්පතට ඇතුළත්ව නොතිබූ බවයි.
ඒ අනුව මහජන උපයෝගීතා කොමිෂන් සභාවේ සභාපති ජනක රත්නායක සමඟ සාකච්ඡා කර අදාළ සහනය ලබා දී ඇති බවයි.
එම සහනය හිමිවීමෙන් පසු දළඳා මාලිගාවේ පසුගිය මාසය සඳහා වන විදුලි බිල රුපියල් ලක්ෂ 13ක් දක්වා අඩු වී ඇති අතර එය ගෙවා දැමීමට පියවර ගෙන ඇති බවයි.
