ඉහළ දැමුණු සුරාබදු බලපත්‍ර ගාස්තු සම්බන්ධයෙන් ජනාධිපතිවරයා මෙරටට පැමිණි පසු වැඩිදුර සාකච්ඡා කර අවසන් තීරණයක් ගන්නා බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා.
ඔහු තවදුරටත් සඳහන් කළේ වාර්ෂික බලපත්‍ර ගාස්තු ඉහළ නංවා තිබෙන ආකාරය දැරිය නොහැකි බවට මත්පැන් නිෂ්පාදනය කරන ආයතන සහ සංගම්වල කරුණු සැළකිල්ලට ගෙන මෙම තීරණය ගන්නා බවයි.
මුදල් අමාත්‍යවරයා ලෙස ජනාධිපති රනිල් වික්‍රමසිංහ විසින් අතිවිශේෂ ගැසට් පත්‍රයක් මඟින් වාර්ෂික සුරාබදු බලපත්‍ර ගාස්තු ජනවාරි 12 වනදා සිට ක්‍රියාත්මක වන පරිදි ඉහළ දමනු ලැබුවා.
