දිවයිනේ දිස්ත්‍රික්ක 15ක සෞඛ්‍ය වෛද්‍ය නිලධාරි කොට්ඨාස 55ක් ඩෙංගු අධි අවදානම් කලාප ලෙස නම් කර තිබෙනවා.
ඒ අනුව කොළඹ, ගම්පහ, කළුතර, මහනුවර සහ මාතලේ, හම්බන්තොට, ගාල්ල, මාතර යන දිස්ත්‍රික්කවල මෙම අධි අවදානම් තත්ත්වය පවතින බවයි ජාතික ඩෙංගු මර්දන ඒකකය පැවසුවා.
එමෙන්ම යාපනය, මඩකලපුව, ත්‍රිකුණාමලය, පුත්තලම, කුරුණෑගල, කෑගල්ල සහ රත්නපුර දිස්ත්‍රික්කවල සෞඛ්‍ය වෛද්‍ය නිලධාරින් කොට්ඨාස ද ඩෙංගු අධි අවදානම් කලාපවලට ඇතුළත් වනවා.
ඩෙංගු රෝගීන් සංඛ්‍යාව 29,000 ක් මෙම වසරේ වාර්තා වී ඇති අතර වැඩිම රෝගීන් පිරිසක් බස්නාහිර පළාතෙන් වාර්තා වන බවත් එය සියයට 49ක් බවයි ජාතික ඩෙංගු මර්දන ඒකකය පැවසනවා.
පවතින අයහපත් කාලගුණ තත්ත්වයත් සමග ඩෙංගු රෝගය පැතිරීමේ වර්ධනයක් පවතින අතර ඩෙංගු මදුරුවන් බෝ වන ලෙස පරිශ්‍ර පවත්වා ගෙන යන පුද්ගලයින්ට එරෙහිව නිතිමය පියවර ගැනීම අඛණ්ඩව සිදු කෙරෙන අතර මෙම වසරේ මේ දක්වා ගත වූ කාලය තුළ ඩෙංගු වැළදීමෙන් පුද්ගලයින් 15 දෙනෙකු මිය ගොස් ඇති බවට වාර්තා වෙනවා.
