රජයේ අනුග්රහය සහ ආශිර්වාදය මත කොවිඩ්-19 ඖෂධයක් ලෙස ප්රචාරය කළ, කෑගල්ලේ ධම්මික බණ්ඩාර සකස් කළ ධම්මික පැණිය පානය කළ නාවික නිලධාරියෙකුට කොවිඩ්-19 වැළඳී ඇතැයි අරුණ පුවත්පත වාර්තා කර තිබේ.
ධම්මික බණ්ඩාරගේ භද්රකාලී දේවාලය ආසන්නයේ මාකුර නම් ගම්මානයේ පදිංචිව සිටි එම පුද්ගලයා දෙසැම්බර් 08 වැනිදා පැණිය පානය කර ඇත.
මෙම නාවිකයා ජර්මන් සමාගමක සේවය කරන අතර 28 වැනිදා කොවිඩ්-19 ආසාදිත බව තහවුරු වී තිබේ.
ධම්මික පැණිය පානය කළ අයෙකුට කිසිදා කොවිඩ්-19 ආසාදනය නොවන බව මීට පෙර ප්රකාශ කර තිබුණු අතර රජයේ අමාත්යවරුන් එම පැණියට අනුග්රහය ලබා දී තිබුණි.
ධම්මික පැණිය පානය කළ පුද්ගලයන්ට කොවිඩ්-19 ආසාදනය වීමේ සිදුවීම් කිහිපයක් පසුගිය දින කිහිපය තුළ වාර්තා විය.