29 C
Colombo
Sunday, June 23, 2024
spot_img

වෛද්‍ය නජිත් ඉන්දික හමුවීමට කලින් ආවේ CID එකෙන්දැයි හොයන්න CID එකෙන් එයි

- Advertisement -

අවිස්සාවේල්ල රෝහලේ සේවය කරන වෛද්‍ය නජිත් ඉන්දික මහතාගෙන් ප්‍රකාශයක් ලබාගැනීමට නැවත වරක් අපරාධ පරීක්ෂණ දෙපාර්තමේන්තුවේ නිලධාරියෙක් පැමිණ තිබෙනවා.

ඒ මීට පෙර ඔහුගෙන් ප්‍රශ්න කිරීමට පැමිණියේ සත්‍ය වශයෙන්ම අපරාධ පරීක්ෂණ දෙපාර්තමේන්තුවේ නිලධාරීන් දෙදෙනෙක්දැයි දැනගැනීමටයි.

අවිස්සාවේල්ල රෝහලේ කොවිඩ් රෝගීන්ට ප්‍රතිකාර කිරීමේදී නජිත් ඉන්දික මහතා මුහුණ දුන් අත්දැකීම් කිහිපයක් සටහනක් ලෙස තැබීම හේතුවෙන් ඒ පිළිබදව ප්‍රශ්න කිරීම සඳහා මීට පෙර අපරාධ පරීක්ෂණ දෙපාර්තමේන්තුවේ නිලධාරීන් දෙදෙනෙකු පැමිණ ඔහුගේ මානසික තත්ත්වය පරික්ෂාකිරීමට සූදානම්වී තිබුණා.

කෙසේ වෙතත් ඊයේ (18) පැමිණි අපරාධ පරීක්ෂණ දෙපාර්තමේන්තුවේ නිලධාරියා පවසා ඇත්තේ ඔවුන් දැනුවත්ව අපරාධ පරීක්ෂණ දෙපාර්තමේන්තුවේ කිසිදු නිලධාරියෙකු එලෙස ප්‍රකාශයක් සටහන් කරගැනීම සඳහා එවා නොමැති බවයි.

යම් කිසි පුද්ගලයින් අපරාධ පරීක්ෂණ දෙපාර්තමේන්තුවේ යැයි තමන්ව හදුන්වා දෙමින් විවිධ තැන්වලට ගොස් ඇතිකරන ලද සිදුවීම් පිළිබදව අවස්ථා කිහිපයකදීම වාර්තා වී ඇති බවත් ඒ පිළිබදව අපරාධ පරීක්ෂණ දෙපාර්තමේන්තුව විසින් අභ්‍යන්තර පරීක්ෂණයක් සිදුකෙරෙමින් පවතින බවත් එම නිලධාරියා පවසා තිබෙනවා.

ඊට අදාළව කෙරෙන විමර්ශනය සඳහා වෛද්‍ය නජිත් ඉන්දික මහතාගෙන් ප්‍රකාශයක් සටහන් කරගැනීමට තමන් පැමිණි බවද මෙම නිලධාරියා පැවසූ බව නජිත් ඉන්දික මහතා සිය ෆේස්බුක් ගිණුමේ සටහන් කර තිබෙනවා.

ඒ අනුව ඔහු පවසා ඇත්තේ එදා පැමිණියේ තමන් විසින්ම අපරාධ පරීක්ෂණ දෙපාර්තමේන්තුවේ නිලධාරීන් යැයි පවසමින් රෝහලේ තැන් කීපයකදීම තමන්ව හඳුන්වා දුන් ආරක්ෂක නිළධාරීන් බවත්, තමන්ට අමතරව බොහෝ රෝහල් සේවකයන්ට ඔවුන් කතා කොට තිබූ බවත්, ඔවුන් “බුද්ධි අංශ නිළධාරීන්” බවට තහවුරු කරගත හැකිබවත්, ඔවුන් අයත් වන්නේ CID ද රාජ්‍ය බුද්ධි සේවයටද, පොලිසියටද, වෙනත් “ඉන්ට්” එකකටද යන්න තමන්ට අදාළ කාරණයක් නොවන බවත්‍ ය.

කෙසේ නමුත් එම සිදුවීම තුළින් තමන්ගේ අදහස් ප්‍රකාශ කිරීමේ අයිතියට හා නිදහසට බාධාවක් එල්ල වුණු බවත්, ඒ සම්බන්ධයෙන් තමන් විරෝධය ප්‍රකාශ කරන බවත් වෛද්‍ය නජිත් ඉන්දික මහතා ඊයේ පැමිණි අපරාධ පරීක්ෂණ දෙපාර්තමේන්තුවේ නිලධාරියා වෙත පවසා තිබෙනවා.


RECENT ARTICLES - SINHALA

රාජ්‍ය මූල්‍ය කටයුතු ගැන හොයන්න පාර්ලිමේන්තු කාරක සභා 20ක්

රාජ්‍ය මූල්‍ය සහ රජයේ ප්‍රතිපත්තිමය කරුණු පිළිබඳව පාර්ලිමේන්තුවේ අධීක්ෂණය තවදුරටත් ශක්තිමත් කිරීමේ අරමුණින් ආංශික අධීක්ෂණ කාරක සභා 20ක් පිහිටුවා ඇති බව මුදල් ආර්ථික ස්ථායීකරණ...

පෙර පාසල් ගුරුවරුන්ගේ දීමනාව ගැන දැනුම් දීමක්

පෙර පාසල් ගුරුවරුන් සඳහා වැඩි කළ දීමනාව, මේ මාසයේ සිට ලබාදෙන බව, කාන්තා, ළමා කටයුතු සහ සමාජ සවිබල ගැන්වීමේ අමාත්‍යංශය පවසනවා. විශේෂ චක්‍රලේඛයක් නිකුත් කරමින්...

මුහුදු යන ධීවරයින්ට අනතුරු ඇඟවීමක්

කාලගුණවිද්‍යා දෙපාර්තමේන්තුව විසින් තද සුළං සහ රළු මුහුද පිළිබඳව අවවාදාත්මක නිවේදනයක් නිකුත් කර තිබෙනවා. අද (23) පෙරවරු 7.00ට නිකුත්කරන ලද එම නිවේදනය හෙට (24) පෙරවරු...

POPULAR ARTICLES

සියලුම රථවාහන හිමියන්ට විශේෂ දැනුම්දීමක්

පොහොය දිනයන්වල මාර්ග තදබදයක් ඇතිවන ලෙස මාර්ග අවහිරවන සේ වාහන නවතා තබන රියැදුරන්ට එරෙහිව නීතිමය ක්‍රියාමාර්ග ගන්නා බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ...

උසස් පෙළ අයදුම්කරුවන්ට දැනුම්දීමක්

2024 උසස් පෙළ විභාගය සඳහා අයදුම්පත් භාරගැනීමේ අවසාන දිනය දීර්ඝ නොකරන බැවින් ඊට පෙර අයදුම්පත්‍ර යොමු කරන ලෙස විභාග දෙපාර්තමේන්තුව අයදුම්කරුවන්ගෙන් ඉල්ලීමක් කරනවා. ජූලි මස...

පළමු වසරට ළමු​න් ඇතු​​ලු කරන චක්‍රලේඛයේ වෙනසක්

පාසල් වල පළමුවන ශ්‍රේණියට ළමුන් ඇතුළත් කිරීම චක්‍රලේඛ උපදෙස් සංශෝධනය කිරීමට කැබිනට් අනුමැතිය හිමිවී තිබෙනවා. රජය පවසන්නේ, අධ්‍යාපනයේ සම සාධාරණ ප්‍රවේශ අවස්ථා තහවුරු වන...