මැතිවරණ වේදිකා උඩ නැග ජනතාවට බොරු කියා, කයිවරු ගසා, රස කතා කියා ජනතාව අන්දවපු කාලයට දැන්වත් තිත තැබිය යුතු බව විපක්ෂ නායක සජිත් ප්රේමදාස පවසනවා.
ඒ, ඇහැලියගොඩ දී පැවැති ජන හමුවකට එක් වූ අවස්ථාවේ දීයි.
2019 මෙන්ම 2023 දී විවිධ පක්ෂ පැමිණි කියන රස කතා සහ සමාජ මාධ්ය හරහා මුදල් වියදම් කර නිර්මාණය කළ විවිධ රැළිවලටත් හසු නොවන ලෙසයි විපක්ෂ නායකවරයා ජනතාවගෙන් ඉල්ලා සිටින්නේ.
සජිත් ප්රේමදාස දන්නේ බස් බෙදන්නට පමණක් බවට චෝදනා කරන පුද්ගලයන්ට කියන්නට ඇත්තේ සජිත් ප්රේමදාස එසේ බෙදා දෙන්නේ අදාල පුද්ගලයන් විසින් සම්පත් නොමැතිව යමක් ඉල්ලා සිටි නිසා බවයි ඔහු පවසන්නේ. එමෙන්ම ප්රයෝජනයක් නොමැතිව කිසි දෙයක් නොබෙදා ඇති බවත් විපක්ෂ නායකවරයා පවසනවා.
පාසල්වල බස් ලබා දෙන්නේ ජනතාවගෙන් ලකුණු දමා ගන්න නොවන බවත් එය නිදහස් අධ්යාපන සංකල්පය ශක්තිමත් කිරීමට බවත් පැවසූ විපක්ෂ නායකවරයා වැඩිදුරටත් කියා සිටියේ මින් නොනැවතී බලය ලැබුණු විට පෙර පාසලේ සිටම මෙරට අධ්යාපන ක්රමවේදය වෙනස් කර නව තාක්ෂණයෙන් අනූන අධ්යාපන ක්රමවේදයක් මෙරටට හඳුන්වා දී ලෝකයට ගැලපෙන ශිල්පීන්, බුද්ධිමතුන් බිහි කිරීමට කටයුතු කරන බවයි.