අධිකරණවල තිබෙන සාක්ෂි කූඩු මුළුමනින්ම ඉවත් කරන බව අධිකරණ අමාත්ය ආචාර්ය විජයදාස රාජපක්ෂ මහතා ඊයේ (30) සඳහන් කළා.
කාඩ්පත් මගින් සිදුකළ හැකි ගෙවීම් (Pos machine) ක්රමය අධිකරණය පද්ධතිය වෙත හඳුන්වාදීම සඳහා ගිවිසුම් අත්සන් කිරීමේ අවස්ථාවට අධිකරණ අමාත්යාංශයේදී එක්වෙමින් අධිකරණ අමාත්යවරයා මෙම අදහස් පළ කර තිබෙනවා.
අධිකරණය යනු බියෙන් හා සැකෙන් යා යුතු තැනක් නොවන බව සඳහන් කළ අමාත්යවරයා අධිකරණයන් වෙත සාක්ෂි ලබාදීමට ඉදිරිපත් වන සියලුම පුද්ගලයන් වැරදිකරුවන් නොවන බව සඳහන් කළා.
සාක්ෂිකරුවන් යනු අධිකරණ ක්රියාවලිය සඳහා සහාය වන පුරවැසියන් බවත් එම නිසා කූඩුවක සිට සාක්ෂි ලබාදීමේ දී කූඩු ක්රමය වෙනස් කර සාක්ෂිකරුවකුට ගෞරවනීය ආකාරයෙන් සාක්ෂි ලබාදීමට හැකි ක්රමයක් මේ වසර අවසානයට පෙර ආරම්භ කරන බව අධිකරණ අමාත්ය ආචාර්ය විජයදාස රාජපක්ෂ මහතා ප්රකාශ කළා.