දෙහිඅත්තකණ්ඩිය, සිරිපුර සිට බදුල්ල දක්වා ධාවනය වෙමින් තිබූ බස් රථයක් සහ ඊට ප්රතිවිරුද්ධ දිසාවෙන් පැමිණි ත්රීරෝද රථයක් බදුල්ල පුවක්ගොඩමුල්ල ප්රදේශයේදී මුහුණට මුහුණ ගැටී අනතුරක් සිදුවී තිබෙනවා.
දෙහිඅත්තකණ්ඩිය ඩිපෝවට අයත් ලංගම බස්රථයක් සහ ත්රී රෝද රථයක් එකිනෙක ගැටීමෙන් අද (10) පෙරවරු 10ට පමණ මෙම අනතුර සිදුව තිබුණා.
අනතුරෙන් ත්රීරෝද රථයේ ගමන්කළ එක් අයෙක් මියගොස් සිවු දෙනෙකු බපරතළ තුවාල ලැබූ බව බදුල්ල පොලීසිය පවසනවා.
මෙසේ මිය ගොස් ඇත්තේ මියගොස් ඇත්තේ වෙල්ලදුරගේ ජේමිස් නමැති 79 හැවිරිදි පුද්ගලයෙක්.
අනතුර සිදුවන අවස්ථාවේ දි ත්රිරෝද රථයේ රියදුරු සමග පස් දෙනෙකු ගමන් කර ඇති අතර ඉන් දෙදෙනෙකු කාන්තාවන් වන බවද වාර්තා වෙනවා.
අනතුර සම්බන්ධයෙන් වැඩිදුර විමර්ශන බදුල්ල මුලස්ථාන පොලිස් රථවාහන අංශය වෙතින් සිදුකරන බවද සඳහන්.
අනතුර සිදුවූ ස්ථානය ආසන්නයේ පිහිටි වංගුවේ ජලනල නඩත්තුවක් සඳහා එක් මංතීරුවක් අවහිරකර තිබීම නිසා මෙවැනි අනතුරු සිදුවන බව ප්රදේශවාසීන් පවසා ඇති බවද වාර්තා වෙනවා.