පාකිස්තානයේ කරච්චි නගරයේ අපරාධ අනුපාත වැඩිවීම නගරවාසීන් අතර මානසික භීතිය සහ අනාරක්ෂිත හැඟීමක් ඇති කර ඇති බවත් අගනගරයේ ජනගහනයෙන් තුනෙන් දෙකක් පමණ එවැනි සිදුවීම් අත්විඳ ඇති බවත් වාර්තා වේ.
මෑත අධ්යයනයක් උපුටා දක්වමින් ඩෝන් වාර්තා කළේ එවැනි සිදුවීම් සෘජුවම ජීවිත හානි රැසක් ද සිදුකර ඇති බවයි.
නගරයේ දිස්ත්රික්ක හතේම අධ්යයනයක් සිදු කළ බවත් කරච්චි හි වීදි අපරාධවල වැඩිවීමක් පෙන්නුම් කර ඇති අතර එහි වැසියන් වඩාත් බියට පත්වී ඔවුන් තුල වඩාත් අනාරක්ෂිත හැඟීමක් ඇති කර ඇති බව පර්යේෂණ සංවිධානයක් වන Pulse Consultant හි කෂිෆ් හෆීස් පවසා තිබේ.
වර්ධනය වන අපරාධ අනුපාත සම්බන්ධයෙන්, කරච්චි වැසියන් එය භයානක ලෙස විස්තර කර ඇති අතර සියයට 69 ක් පමණ, නැතහොත් පුද්ගලයන් 10 දෙනෙකුගෙන් හත් දෙනෙකුම පවසා ඇත්තේ , ඔවුන්ගේ පවුලේ හෝ මිතුරන් වීදි අපරාධවලට ගොදුරු වී ඇති බවයි.
වයස අවුරුදු 16 ත් 55 ත් අතර පුද්ගලයින් අතර කල සමීක්ෂණයේදී සියයට 23 ක් වීදි අපරාධකරුවන් ඔවුන්ගේ බඩු බාහිරාදිය රැගෙන ගිය බව පවසා ඇත.
එපමණක් නොව, පොලිසිය විසින් සම්පාදනය කරන ලද දත්ත අනුව ද පසුගිය වසරේ එම කාලයට සාපේක්ෂව ජනවාරි සිට සැප්තැම්බර් දක්වා කාලය තුළ අපරාධවල දැවැන්ත වර්ධනයක් පෙන්නුම් කර තිබේ.
ජංගම දුරකථන උදුරා ගැනීම සහ වාහන සොරකම් කිරීම ද කරච්චි නගරයේ ප්රබල අපරාධ ක්රියාවක් බවට පත්ව ඇති බව පැවසේ.