පසුගිය වසරේ හමුදා කුමන්ත්‍රණයෙන් පසු චීනයෙන් පැමිණි ඉහළම නිලධාරියා බවට පත්වෙමින් චීන විදේශ අමාත්‍ය වැන්ග් යී මියන්මාරයේ සංචාරයක නිරතව තිබේ.
එහිදී චීනය මියන්මාරය සමඟ මිත්‍රශීලී සබඳතා වර්ධනය කර ගැනීමටත් ආර්ථික සබඳතා ශක්තිමත් කිරීමටත් ප්‍රතිඥා දුන් බව සදහන් වේ.
චීනය මියන්මාරයේ ස්ථිර චීන හිතකාමී ප්‍රතිපත්තිය අගය කරන අතර, මියන්මාරයේ ජනතාවට ඔවුන්ගේ ජාතික කොන්දේසිවලට අනුකූලව සංවර්ධන මාවතක් වෙත ගමන් කිරීමට සහාය වන බව වැන්ග් මියන්මාර විදේශ අමාත්‍ය මාවුන් ලිවින් හට ප්‍රකාශ කල බව චීන විදේශ අමාත්‍යාංශයේ ප්‍රකාශනයක දැක්වේ.
ජාත්‍යන්තර සංසදවලදී මියන්මාරයේ නීත්‍යානුකූල අයිතිවාසිකම් සහ අවශ්‍යතා සහ ජාතික අභිමානය ආරක්ෂා කිරීමට ද මියන්මාරයට සහාය වන බව වැන්ග් පවසා තිබේ.
පවතින ආණ්ඩුව කුමක් වුවත්, චීනය මියන්මාරය සමඟ සමීප සබඳතා පවත්වා ගැනීමට අපේක්ෂා කර ඇති අතර, පැවැත්වීමට නියමිත බීජිං ප්‍රමුඛ සහයෝගිතා යාන්ත්‍රණයේ විදේශ ඇමතිවරුන්ගේ රැස්වීමේ මුලසුන ගැනීමට වැන්ග් අපේක්ෂා කරන බව ද වාර්තා වේ.
