නේපාලයේ හිටපු ස්වදේශ කටයුතු අමාත්ය සහ නේපාල කොංග්රස් නායක බල්ක්රිෂ්ණ ඛාන්ද් නේපාල ජාතිකයන් භූතාන සරණාගතයින් ලෙස විදේශයන්හි ජාවාරම් කිරීමේ චෝදනාව සම්බන්ධයෙන් අත්අඩංගුවට ගෙන තිබේ.
භූතාන නොවන සරණාගතයින් භූතාන සරණාගතයින් ලෙස වෙනත් රටවලට යැවීමේ සිද්ධිය සම්බන්ධයෙන් මීට පෙර අත්අඩංගුවට ගත් අය විසින් ලබා දුන් ප්රකාශය මත හිටපු අමාත්යවරයා අත්අඩංගුවට ගෙන ඇත.
නේපාල ජාතිකයන් බොහෝ දෙනෙකු භූතාන සරණාගතයින් ලෙස එක්සත් ජනපදයට යවන බවට පොරොන්දු වී ඔවුන්ගේ විශාල මුදල් වංචා කිරීමේ ජාවාරමට හිටපු ඇමතිවරයා සම්බන්ධ බවට නේපාල පොලිසිය කරුණු අනාවරණය කර ගෙන තිබේ.
මීට පෙර, ඔහු ස්වදේශ කටයුතු අමාත්යවරයා ලෙස කටයුතු කරන සමයේදී මිනිස් ජාවාරම සම්බන්ධයෙන් පොලිසිය විසින් අත්අඩංගුවට ගත් පුද්ගලයින් දෙදෙනෙකු දේශපාලන බලපෑම් මත නිදහස් කළ බවද පොලිසිය පවසයි.