ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නිමල් පියතිස්ස විසින් බලශක්ති අමාත්‍ය කාංචන විජේසේකර වෙත ලිපියක් යොමු කරමින් විදේශ මුදලින් ඉන්ධන මිලදී ගැනීමට හැකිවන පරිදි සෑම දිස්ත්‍රික්කයකම නිශ්චිත ඉන්ධන පිරවුම්හල් විවෘත කරන ලෙස රජයෙන් ඉල්ලීමක් කර තිබෙනවා.
මෙම පියවර මගින් දැනට මෙරට සඟවා ඇති විදේශ මුදල් පිටතට ගෙන ඒම නිසා විදේශ විනිමය අර්බුදයට වාසි අත්වන බවද පියතිස්ස මන්ත්‍රීවරයා පෙන්වා දී තිබෙනවා.
ඉන්ධන සඳහා විදේශ මුදල්වලින් ගෙවීමට ඉඩ සලසන නිශ්චිත ඉන්ධන පිරවුම්හල් වෙන් කිරීමේ පියවර මගින් අවශ්‍ය ඩොලර් එකතු කර ගත හැකි බව ඔහු වැඩිදුරටත් පවසනවා.
ආර්ථික අර්බුදය හේතුවෙන් පුද්ගලයන් කිහිප දෙනෙකු විදේශ මුදල් සඟවාගෙන ඇති බව සඳහන් කළ මන්ත්‍රීවරයා එය පිටතට ගෙන ඒමට මෙම පියවර ඉවහල් වනු ඇති බවයි පෙන්වා දෙන්නේ.
