බොරිස් ජොන්සන් සහ කැරී සිමන්ඩ්ස් කෝර්න්වෝල් හි පැවති G7 සමුළුවට ලෝක නායකයින් පිළිගනු ලැබුවේය.
ඒ වෙනුවෙන් කොර්නිෂ් මුහුදු තීරයේ ආකර්ශනීය පිළිගැනීමේ හමුවක් සංවිධානය කිරීමට ද ඔවුන් කටයුතු කර ඇති ආකාරය දක්නට ලැබිණි.
ජනාධිපති සහ අගමැතිවරු ඔවුන්ගේ හවුල්කරුවන් සමඟ හමුවුණු මෙම අවස්ථාවේ එකිනෙකාගේ වැලමිට ගැටීමෙන් (elbow bump) ආචාර කරගන්නා ආකාරය විදෙස් මාධ්‍ය වාර්තා කරන ලදී.
ඇමරිකානු ජනාධිපති ආර්යාව මෑතක දී විවාහ දිවියට එළඹුණු බ්‍රිතාන්‍ය අගමැතිවරයා සහ බිරිඳ වෙත විහිළු තහළු කරමින් ‘මට දැන්නෙනේ මං විවාහ මංගල්ලයකට ගියා වගෙයි’ යනුවෙන් පැවසූ බව මාධ්‍ය වාර්තා කළේය.
ජෝ බයිඩන් ජනාධිපතිවරයා එම අවස්ථාව වාර්තා කළ මාධ්‍යවේදීන්ට මුහුදේ පිහිනන්න යැයි පැවසීය.
කැනේඩියානු අගමැති ජස්ටින් ටෲඩෝ සමුළුව ආරම්භ කිරීමට පෙර මුහුදේ පිහිනීමට ගිය බව ද මාධ්‍ය වාර්තා කර තිබේ.
නායකයින් එකිනෙකා සමඟ විනෝද වෙමින් G7 පවුලේ ඡායාරූපයකට ද පෙනී සිට ඇත.
G7 යනු ලොව විශාලතම දියුණු ආර්ථිකයන් හතෙන් සැදුම්ලත් සංවිධානයකි.
ගෝලීය කොවිඩ්-19 වෛරස් එන්නත් සහ දේශගුණික විපර්යාසයන් රටවල් හතේ නායකයින් අතර මෙවර සමුළුවේ කේන්ද්‍රස්ථානය වනු ඇත.
ඉදිරි වසර තුළදී අවම වශයෙන් මිලියන 100 ක අතිරික්ත කොරෝනා වෛරස එන්නත් මාත්‍රාවන් පරිත්‍යාග කරන බව එක්සත් රාජධානිය මෙහිදී නිවේදනය කරන ලදී.
