ශ්රී ලාංකික ශ්රමිකයන්ට ජපානයේ රැකියා අවස්ථාව ලබා ගැනීම, මානව සම්පත් සංවර්ධනය, ජපන් ආයෝජන ලංකාවට ගෙන්වා ගැනීම සහ සංචාරක ප්රවර්ධනය සම්බන්ධයෙන් වන අවබෝධතා ගිවිසුමකට ශ්රී ලංකා රජය සහ ජපානයේ ප්රමුඛ පෙලේ ව්යාපරික සමුහයක් වන පැසෝනා සමුහය සමඟ එළඹ තිබෙනවා.
කම්කරු සහ විදේශ රැකියා අමාත්ය මනුෂ නානායක්කාරගේ ජපන් නිල සංචාරය අතරවාරයේ Awaji Island හි “Wave Riding Festival” රඟහලේදීයි මෙම අවභෝධතා ගිවිසුමට අත්සන් තබා ඇති බවයි වාර්තා වන්නේ.
මෙම ගිවිසුම නැගී එන ආර්ථිකය වෙනුවෙන් එළඹ තිබෙනවා.
අදාළ නව ගිවිසුමට අනුව රැකියා අවස්ථා සඳහා ශ්රී ලාංකික ශ්රමිකයන් බඳවා ගැනීමට අපේක්ෂිතයි.
එහිදී ජපන් ආයතනවලට අවශ්ය ස්ථානීය බඳවා ගැනීම් සඳහා පැසෝනා සමූහය සිය සහාය ලබාදෙනු ඇති බවයි වාර්තා වන්නේ.
තවද ජපානයේ රැකියා අපේක්ෂා කරන ශ්රී ලාංකිකයන්ට රැකියා අවස්ථා ලබා ගැනීම සඳහා අවශ්ය සහාය ලබාදීමට මෙම සමාගම කැමැත්ත පළකර තිබෙනවා.