28 C
Colombo
Tuesday, May 28, 2024
spot_img

ගුවන්තොටේ යකා නැටූ මැට්ටා මෙන්න (වීඩියෝ)

- Advertisement -

කටුනායක ගුවන්තොටුපළේ පසුගියදා ඇති වූ කලහකාරී සිදුවීමට මුල් වී ඇත්තේ කුඩා හා මධ්‍ය පරිමාණ ව්‍යවසාය සංවර්ධන රාජ්‍ය අමාත්‍ය ප්‍රසන්න රණවීර මහතා බව අනාවරණය වී තිබෙනවා.

කටුනායක ගුවන්තොටුපළට පසුගිය අඟහරුවාදා (14) අලුයම් කාලයේ පැමිණි ප්‍රසන්න රණවීර මහතා ගුවන් මගීන්ගේ ගමන් මලු එහා මෙහා ගෙන යන සේවකයකුගේ (පෝටර්) කනට ගසා ආරක්ෂක නිලධාරින් කිහිප දෙනකුට බැන තර්ජනය කර පිටව ගොස් තිබෙන බව ගුවන්තොටුපොළ ආරංචි මාර්ග සඳහන් කළා.

ප්‍රසන්න රණවීර මහතාගේ බිරිඳ ඇතුළු කිහිප දෙනකු විදෙස් සංචාරයකට යෑම සඳහා කටුනායක ගුවන්තොටුපොළට පෙරේදා අලුයම් කාලයේ පැමිණ තිබෙනවා.

සිය ආරක්ෂකයන් ද පිරිවරාගෙන පැමිණි රාජ්‍ය අමාත්‍යවරයා ඔවුන් කටුනායක ගුවන් තොටුපොළට ඇරලවීම සඳහා ප්‍රවේශපත්‍ර මිලදී නොගෙන ප්‍රධාන දොරටුවෙන් ගුවන්තොටුපොළට ඇතුළු වීමට ගොස් තිබෙන බව ගුවන් තොටුපළේ උසස් නිලධාරීන් පැවසුවා.

එහිදී ගුවන් තොටුපොළ ආරක්ෂක නිලධාරීන් විසින් අමාත්‍යවරයාට පවසා තිබෙන්නේ ආරක්ෂකයින් ගිනි අවිවලින් සන්නද්ධව සිටි නිසා ඒවා රැගෙන යාමට ඉඩ දිය නොහැකි බවයි.

එම අවස්ථාවේ ඔහු ගුවන් තොටුපොළ ආරක්ෂක නිලධාරීන්ටද බැණ වැදී ඔහුගේ ගමන වැළැක්වූ බව පැවසෙන ගුවන් තොටුපොළ ආරක්ෂක අංශ නිලධාරීන් දෙදෙනාගේ ඡායාරූප ද සිය ජංගම දුරකථනයෙන් ලබාගෙන තිබෙන බව එම උසස් නිලධාරීන් පවසනවා.

එමෙන්ම අමාත්‍යවරයා සමඟ පැමිණි අයගේ ගමන් මලු ගුවන් තොටුපොළට රැගෙන යෑම වෙනුවෙන් පෝටර්වරයාවරයාට අඩුවෙන් මුදල් ලබාදීම නිසා නියමිත ගාස්තුව පෝටර්වරයා ඔහුගෙන් ඉල්ලා තිබෙන අතර එයින් කුපිත වූ දේශපාලකයා එම පෝටර්වරයාගේ කකුල සපත්තුවෙන් පාගා ඔහුගේ කණට වැරෙන් පහරක් ගසා ආරක්ෂකයන් සමග පිටව ගොස් තිබෙන බව ගුවන් තොටුපොළ ආරංචි මාර්ග සඳහන් කරනවා.

පහර කෑමට ලක්වූ බව පැවසෙන පෝටර්වරයා රාජ්‍ය අමාත්‍යවරයෙකු වන  ප්‍රසන්න රණවීර මහතාට ඇති බිය නිසා සහ අනවශ්‍ය කරදර ඇති වේ යැයි සිතා මේ සම්බන්ධයෙන් පොලිසියට පැමිණිලි කිරීමට ගොස් නොමැති බවද පැවසෙනවා.

ප්‍රසන්න රණවීර මහතා මීට පෙර අවස්ථා රැසකදී කළහකාරීව මෙන්ම නොමනා හැසිරීම නිසා කුප්‍රකට අමාත්‍යවරයෙකු ලෙසට ප්‍රකටව සිටිනවා.

‘මිරිස් කුඩු ඇමති’ ලෙසට ඔහුව හැදින්වීමට යෙදුනේ යහපාලන රජය පැවති සමයේදී පාර්ලිමේන්තුවේ ඇතිවූ කළහකාරී තත්ත්වයකදී මන්ත්‍රීවරුන්ට මිරිස් කුඩු ප්‍රහාරයක් එල්ල කිරීමට ප්‍රසන්න රණවීර අමාත්‍යවරයා කටයුතු කිරීම හේතුවෙනි.

ගෝඨාභය රාජපක්ෂ රජය විසින් ප්‍රසන්න රණවීර මහතාව වේවැල්, පිත්තල, මැටි, ලී බඩු සහ ග්‍රාමීය කර්මාන්ත ප්‍රවර්ධන රාජ්‍ය අමාත්‍යවරයා ලෙස පත්කරනු ලැබූවා.

ඉන් අනතුරුවත් සිදුකරන ලද කළහකාරී ක්‍රියාවන් හේතුවෙන්ම ඔහුව මහජනතාව හැදින්වූයේ මැටි ඇමති ලෙසයි.

පසුගිය අරගල සමයේ ගාලු මුවදොර අරගලකරුවන්ට පහරදීමෙන් අනතුරුව රටපුරා පොදුජන පෙරමුණේ මන්ත්‍රීවරුන්ට එරෙහිව ක්‍රියාත්මක වූ ප්‍රචණ්ඩක්‍රියා අතරතුර ප්‍රසන්න රණවීර රාජ්‍ය අමාත්‍යවරයාගේ නිවසද ගිනිබත් කර දමා තිබුණා.


RECENT ARTICLES - SINHALA

ඔලිම්පික් කමිටු හිටපු මාධ්‍ය කළමනාකරු රිමාන්ඩ්

අධිකරණය මගින් නිකුත් කර තිබූ විදෙස් ගමන් තහනමක් උල්ලංඝනය කරමින් කටුනායක ගුවන් තොටුපලෙන් රහසිගතව විදෙස් ගතවීමට තැත් කළ බව පැවසෙන ශ්‍රී ලංකා ජාතික ඔලිම්පික්...

පැෆරල් සංවිධානයෙන් මූලික අයිතිවාසිකම් පෙත්සමක්

පළාත් පාලන ඡන්ද විමසීම සඳහා නාමයෝජනා භාරදී තිබෙන අපේක්ෂකයින්ට ඔවුන්ගේ කටයුතු ප්‍රවර්ධනය කිරීම සඳහා රාජ්‍ය සම්පත් වෙන් නොකිරීමට වග බලා ගන්නා ලෙස රජයේ ආයතන...

ආනවිලුන්දාවේ කුරුල්ලන් සහ මසුන් අබිරහස් ලෙස මිය ගිහින්

ආනවිලුන්දාව රැම්සා තෙත් බිම ආශ්‍රිත කුරුළු අභය භූමියේ සහ එහි ජල මාර්ගවල කුරුල්ලන් සහ මසුන් සිය ගණනක් මිය ගොස් තිබෙනවා. පසුගිය දින කිහිපය තුළ මෙම...

POPULAR ARTICLES

අද ඩොලරය

ශ්‍රී ලංකා මහ බැංකුව විසින් අද (27) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 295.37ක් ලෙස...

සමාජ මාධ්‍ය තහනමක් ගැන හරීන්ගෙන් අනතුරු ඇඟවීමක්

ඇතැම් විද්‍යුත් මාධ්‍ය ද යොදාගනිමින් ක්‍රිකට් ක්‍රීඩාවට විනාශකාරී ලෙස පහර ගසන සමාජ මාධ්‍ය කල්ලිවලට එරෙහිව නෛතික පියවර ගැනීම අරඹා ඇති බව ක්‍රීඩා අමාත්‍ය හරීන්...

දිලිත් – විමල් – ගම්මන්පිල එකගෙයි කන්න සූදානම්

දේශපාලන පක්ෂ කිහිපයක් සහ සිවිල් සංවිධාන කිහිපයක් එක්වී 'සර්ව ජන බලය' නමින් නව දේශපාලන ව්‍යාපාරයක් පිහිටුවා තිබෙනවා. 'එක්ව නංවන රටක් - සතුටු පිරුණු දැයක්' යන...