ශ්‍රී ලංකා මහබැංකුවේ අධිපති මහාචාර්ය ඩබ්ලිව්.ඩී. ලක්ෂ්මන් මහතා සිය ධූරයෙන් ඉල්ලා අස්වන බවට ජනාධිපතිවරයාට ලිපියකින් දන්වා තිබෙනවා.
තමන් අද (14) සිට සිය ධුරයෙන් ඉල්ලා අස්වන බවට වන ලිපිය මීට දින තුනකට පෙර ජනාධිපති ගෝඨාභය රාජපක්ෂ මහතා වෙත යොමු කළ ගත් බවයි ඔහු පවසන්නේ.
ඒ අනුව, තමන් අද සිය නිල නිවාසයෙන්ද ඉවත්වීමට කටයුතු කරන බවත් ඔහු පවසනවා.
කෙසේ වෙතත්, තමන් මහබැංකු අධිපති ධුරයෙන් ඉවත් වන බව මහාචාර්ය W.D. ලක්ෂ්මන් මහතා පළමුවරට නිවේදනය කර සිටියේ පසුගිය 10වනදායි.
පසුගිය සති කිහිපයේ ඇතිවූ සිත්රිදවීම් තමාගේ විශ්‍රාම යෑම ඉක්මන් කළ බවත් තමා වෙහෙස වී කටයුතු කළත් තමන්ගේ පාලනයෙන් බැහැරව ඇති බලවේගයන් නිසා අපේක්ෂා කළ ප්‍රතිඵල ලබාගැනීමට නොහැකිවූ බවත් එම නිවේදනයේදී ඔහු ප්‍රකාශ කර සිටියා.
මේ අතර, මුදල් හිටපු රාජ්‍ය අමාත්‍ය අජිත් නිවාඩ් කබ්රාල් මහතා මහ බැංකුවේ නව අධිපතිවරයා ලෙස ජනාධිපති ගෝඨාභය රාජපක්ෂ මහතා විසින් ඊයේ පස්වරුවේ පත්කරනු ලැබුවා.
ඔහු හෙට දින සිය ධූරයේ වැඩ භාරගැනීමට නියමිත බවයි ජනාධිපති මාධ්‍ය අංශය නිකුත් කළ නිවේදනයේ සඳහන් වූයේ.
