පූර්ව ළමාවිය සංවර්ධනය ඉහළ නංවාලීම උදෙසා පෙර පාසල් ගුරුවරුන් වෙනුවෙන් විධිමත් පුහුණුවක් ලබාදීමට පියවර ගන්නා බව කාන්තා හා ළමා කටයුතු රාජ්ය අමාත්ය ගීතා කුමාරසිංහ මහත්මිය ප්රකාශ කලා.
එසේම පෙර පාසල් ගුරුවරුන් වෙනුවෙන් වැටුපක් ලබාදීම කෙරෙහිද රජයේ අවධානය යොමු වී ඇති බවයි රාජ්ය අමාත්යවරිය සඳහන් කළේ.
අමාත්යවරිය මෙම අදහස් පළ කර සිටියේ ‘ස්ථාවර රටකට සැවොම එක මඟකට මැයෙන් ඊයේ (25) ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමින්.
පෙර පාසලක් ආරම්භ කිරීමේදී එය යම්කිසි නීති රාමුවකට යටත්ව සිදුකළ යුතු බවද පෙර පාසල් ගුරුවරිය උපාධිධාරිනියක් විය යුතු අතර ඔවුන්ටම ආවේණික විශේෂිත වූ පුහුණුවක් අවශ්ය බව අමාත්යවරිය එහිදී සඳහන් කර සිටියා.
රටේ සිටින දරුවන්ගේ සෞඛ්යය සම්බන්ධයෙන් රජය වැඩි අවධානයක් යොමු කර ඇති බවද ඇය මෙහිදී කියා සිටියා.
එමෙන්ම පෝෂණ ඌනතාවයෙන් පෙළෙන බවට හඳුනාගත් ළමුන් වෙනුවෙන් විශේෂ පෝෂණ වැඩසටහන් මේ වන විටත් රජය ආරම්භ කර ඇති අතර අඩු ආදායම්ලාභී පවුල්වලට පෝෂ්යදායී ආහාර වේලක් ලබා ගැනීම වෙනුවෙන්ද රජය මගින් මුදලක් ලබාදීමට කටයුතු කරන බවයි එහිදී වැඩිදුරටත් අදහස් දක්වමින් රාජ්ය අමාත්යවරිය පවසා සිටියා.