ඉල්ලීම් කිහිපයක් මුල් කර ගනිමින් අධිවේගී මාර්ග සේවකයින් ලෙඩ නිවාඩු දමා අද(22) ප්‍රවේශපත්‍ර නිකුත් කිරීම සහ මුදල් අයකර ගැනීමේ රාජකාරිවලින් ඉවත්ව තිබෙනවා
සමස්ත ලංකා අධිවේගී මාර්ග සේවක සංගමය ආරම්භ කර ඇති වෘත්තීය ක්‍රියාමාර්ගය හේතුවෙන් මුදල් අය කළ ද ටිකට් පත් නිකුත් නොකරන බව මාර්ග සංවර්ධන අධිකාරියේ අධ්‍යක්ෂ ජනරාල් ශාරද වීරකෝන් මහතා පවසනවා.
ඔහු කියා සිටියේ අධිවේගී මාර්ග සේවකයින් ප්‍රවේශපත් නිකුත් කිරීමේ සහ මුදල් අය කිරීමේ කාර්යෙන් ඉවත් වුවද මුදල් අය කිරිමේ කුටි සඳහා යුද හමුදාව , නාවික හමුදාව සහ පොලිසිය යොදා ඇති බවයි.
අද උදෑසන 7.00 සිට රාත්‍රි 7.00 දක්වා මෙම වර්ජනය ක්‍රියාත්මක වන බවයි වාර්තා වන්නේ.
