කඩිනම් ජනාධිපතිවරණයක් පැවැත්වීමේ අදහස අත්හැරීමට ආණ්ඩු පක්ෂය තීරණය කර ඇති බව ඉහළ පෙළේ දේශපාලන ආරංචි මාර්ග පෙන්වා දෙනවා.
මේ අනුව ආණ්ඩුවේ බලධාරීන් තීරණය කර ඇත්තේ ලබන වසරේ අගෝස්තු මාසයෙන් පසුව ජනාධිපතිවරණයක් කැඳවීමටයි.
කෙසේ නමුත් ඊට පෙර ජනාධිපතිවරණ මෙහෙයුම් ආරම්භ කර මුලික සංවිධාන කටයුතු කිරීමට ජනාධිපති රනිල් වික්රමසිංහ මහතාගේ පාර්ශවය තීරණය තිබෙනවා.
මේ වන විට වාර්තා වන දේශපාලන තොරතුරුවලට අනුව ඉදිරි ජනාධිපතිවරණයට විවිධ පක්ෂ සහ සංවිධාන යටතේ තරඟ කරන බවට ප්රචාරය වන නම් ගණනාවක් ඇති අතර වත්මන් ජනාධිපති රනිල් වික්රමසිංහ මහතා පොදු අපේක්ෂකයකු ලෙස ජනාධිපතිවරණයට ඉදිරිපත් වීමට සැලසුම් කර ඇති බව සඳහන්.
ඊට අමතරව විපක්ෂයේ සජිත් ප්රේමදාස, අනුර දිසානායක ද අපේක්ෂක ලැයිස්තුවේ ඉහළින්ම සිටි ව්යාපාරිකයන් වන ධම්මික පෙරේරා, දිලිත් ජයවීර, ජනක රත්නායක යන පුද්ගලයන් සම්බන්ධව ද විවිධ දේශපාලන පාර්ශව සාකච්ඡා කෙරෙමින් පවතිනවා.
තවද පක්ෂ මාරු ගණනාවක් සිදුවීමට නියමිත අතර සුළු පක්ෂ ගණනාවක් සජිත් ප්රේමදාස මහතා සමඟ ද තවත් සුළු පක්ෂ ගණනාවක් රනිල් වික්රමසිංහ මහතාගේ සහායට ඉදිරිපත් වීමට නියමිතව තිබෙනවා.
ඉන් කුමාර වෙල්ගම, රවුෆ් හකීම් සහ ජීවන් තොණ්ඩමන් යන පක්ෂ නායකයන් රනිල් වික්රමසිංහ මහතාට සහාය පළ කරනු ඇති අතර පලනි දිගම්බරන්, මනෝ ගනේෂන්, මහාචාර්ය ජී.එල්. පීරිස් ඇතුළු පිරිසක් සජබ සමඟ එක්වී ජනාධිපතිවරණ ව්යාපාරය දියත් කිරීමට නියමිතයි.