දෙහිඅත්තකණ්ඩිය ප්‍රදේශයේ ඇඟලුම් කම්හලක සිදුකරන ලද එන්නත්කරණ වැඩසටහනක් හේතුවෙන් එහි සේවකයන් සියයකට වැඩි පිරිසක් මේ වන විට සංකූලතා නිසා රෝහල් ගත කර ඇතැයි දෙහිඅත්තකණ්ඩිය සෞඛ්‍ය වෛද්‍ය නිලධාරී කාර්යාලය වාර්තා කරනවා.
පෙරේදා (27) දිනයේ අදාළ ඇඟලුම් කර්මාන්ත ශාලාවේ පැවති මෙම එන්නත්කරණ වැඩසටහන පිළිබදව ප්‍රදේශයේ මහජන සෞඛ්‍ය පරීක්ෂක කාර්යාලය දැනුවත් කර නොතිබූ අතර එය සම්පූර්ණයෙන්ම බාහිර පාර්ශවයන් විසින් සිදුකර ඇති බවයි දෙහිඅත්තකණ්ඩිය සෞඛ්‍ය වෛද්‍ය නිලධාරී කාර්යාලය සදහන් කරන්නේ.
ඒ අනුව අදාළ එන්නත්කරණ වැඩසටහනේදී එන්නතේ සංකූලතා මතුවීම හේතුවෙන් ඇඟලුම් කම්හලේ සේවකයින් 100 කට ආසන්න සංඛ්‍යාවක් රෝහල් ගත කර ඇති අතර තවත් පිරිසකට සංකූලතා ලක්ෂණ ඇතිවී තිබෙනවා.
මෙවැනි ක්‍රියාමාර්ග තුළින් එන්නත්කරණ වැඩසටහන පිළිබඳව පවතින විශ්වසනීයත්වයට හානි සිදුවන බවත් වගකීමකින් තොරව සිදුකරන මෙවැනි එන්නත්කරණ වැඩසටහන් පිළිබදව ජනතාව වැඩි සැලකිල්ලක් දැක්විය යුතු බවත් සෞඛ්‍ය වෛද්‍ය නිලධාරීන් පවසනවා.
හමුදාවෙන් යැයි කියාගන්නා ලද පිරිසක් විසින් අදාළ එන්නත්කරණ වැඩසටහන පවත්වා ඇති අතර මේ පිළිබදව දෙහිඅත්ත සෞඛ්‍ය වෛද්‍ය නිලධාරී කාර්යාලය ඉහළ සෞඛ්‍ය බලධාරීන් දැනුවත් කිරීමටද කටයුතු කල බවයි වාර්තා වන්නේ.
