රටේ අධ්‍යාපනය සිදුවිය යුත්තේ ඉංග්‍රීසි බසින් බවත් එය කීමට තමා බිය නොවන බවත් විපක්ෂ නායක සජිත් ප්‍රේමදාස මහතා පවසනවා.
උඳුගොඩ අර්ෆා විදුහලේදී ඊයේ (26) පැවති උත්සවයකදී පවසා සිටියා.
තමා සුහුරු රටක් ගොඩනැගීම වෙනුවෙන් කැපවන බවත් මේ වෙනුවෙන් රටේ අධ්‍යාපන ක්‍රමය නවීන තාක්ෂණය පදනම් කර ගත් සුහුරු අධ්‍යාපනයක් විය යුතු බවත් සජිත් ප්‍රේමදාස මහතා සඳහන් කරනවා.
විපක්ෂ නායකවරයා පවසා සිටියේ මේ වෙනුවෙන් පාසල් 10,126 ම සුහුරු පාසල් කරමින් ඉංග්‍රීසි භාෂාවෙන් ඉගැන්වීම සිදු කළ යුතු බවයි.
තොරතුරු තාක්ෂණය වැනි විෂයයන් සිංහල හෝ දෙමළ මාධ්‍යයෙන් ඉගෙන ගැනීම ප්‍රායෝගික නොවන බවත් මේ සඳහා ඉංග්‍රීසි යොදා ගැනීම ලොව ජය ගත හැකි පුරවැසියන් බිහි කිරීමට හේතු වන බවත් සජිත් ප්‍රේමදාස මහතා පවසා සිටියා.
රට බංකොලොත් වී ඇති නිසා මේ මොහොතේ හෝ ඉංග්‍රීසි අධ්‍යාපනය ආරම්භ කර ගෝලීය පුරවැසියන් බිහි කිරීම ඇරඹිය යුතු යැයි විපක්ෂ නායකවරයා වැඩිදුරටත් අවධාරණය කළා.
