තමන් ජනාධිපති ධූරයේ තවදුරටත් කටයුතු කරමින් නව රජයක් පිහිටුවන බව ගෝඨාභය රාජපක්ෂ පවසනවා.
ඒ අනුව එළැඹෙන සතිය තුළ නව අග්‍රාමාත්‍යවරයෙක් යටතේ නව කැබිනට් මණ්ඩලයක් පිහිටුවන බව අද (11) ජාතිය අමතමින් ඔහු පවසා සිටියා.
ඉන් අනතුරුව 19 වන සංශෝධනයේ ඇතැම් කරුණු යළිත් බලාත්මක කරන බවත් පාර්ලිමේන්තුවට වැඩි බලතල ලබාදෙන බවත් ඔහු සදහන් කරනවා.
එමෙන්ම නව රජය පත්වීමෙන් පසුව රට ස්ථාවර වීමෙන් අනතුරුව ජනාධිපති ක්‍රමය අහෝසි කිරීම සඳහාද ඉඩ ලබාදෙන බවයි ගෝඨාභය රාජපක්ෂ සදහන් කරන්නේ.
මේ සඳහා තමන්ට සහය ලබාදෙන ලෙස ඔහු අවසාන වශයෙන් ජනතාවගෙන් ඉල්ලා සිටිනවා.
මේ අනුව ගෝඨාභය රාජපක්ෂ තවදුරටත් ජනාධිපති ධූරයේ කටයුතු කරනු ඇති.
