තමන් රාජපක්ෂ මිතුරෙකු නොවන බව තේරී පත්වූ ජනපති රනිල් වික්‍රමසිංහ පවසනවා.
ඒ, කොළඹ ගංගාරාම විහාරස්ථානය වෙත ඊයේ (20) පස්වරුවේ පැමිණ ආශිර්වාද ලබාගැනීමෙන් අනතුරුව බ්‍රිතාන්‍යය sky news මාධ්‍යවේදියෙකු විමසූ ප්‍රශ්නයකට පිළිතුරු ලබා දෙමින්.
මෙරට ජනතාව වෙනසක් බලාපොරොත්තු වන බවත් පැරැණි රාජපක්ෂ හිතවාදියකු වන ඔබ එම වෙනස සිදු කරන්නේ කෙසේද යන්නත් එම මාධ්‍යවේදියා ජනාධිපතිවරයාගෙන් විමසා සිටි‍යා.
රනිල් –
“මම කොහොමද රාජපක්ෂවරුන්ගේ මිතුරෙක් වෙන්නේ. මම දන්න දා ඉදලා ඉඳලා ඔවුන්ට එරෙහි ව සිටි පුද්ගලයෙක්. ඔබ දැන් අද පිටරට ඉඳලා ඇවිල්ලා මගෙන් අහනවා ඔබ රාජපක්ෂ හිතවාදියෙක් නේද කියලා. ඔබ මෙතන ඉන්න ඕන කෙනෙක් ගෙන් අහන්න අර ඉන්නේ රාජපක්ෂගේ මිතුරන්.”
Sky news මාධ්‍යවේදියා –
“ඔබ කොහොමද ශ්‍රී ලංකාව බලාපොරොත්තු වෙන වෙනස සිදු කරන්නේ?”
රනිල් –
“මම ශ්‍රී ලංකාවේ ජනතාව බලාපොරොත්තු වෙන වෙනස සිද්ධ කරන්න සූදානම්. මම ඔබට එක දෙයක් කියන්නට කැමතියි. ජනමාධ්‍යවේදියෙක් විදිහට ඔබ ගැඹුරු විමර්ශනවලවල නිරත විය යුතුයි මේ වගේ ප්‍රශ්න අහන්න එපා.”
Sky news මාධ්‍යවේදියා –
“ඔබ එතකොට රාජපක්ෂවරුන්ගේ හිතවතෙක් නොවේද?”
රනිල් –
මම රාජපක්ෂවරුන්ගේ හිතවතෙක් නෙවෙයි මම ජනතාවගේ මිතුරෙක්. ඔබට තව දෙයක් කියන්නම් මම මීට පෙර ජනාධිපතිනී චන්ද්‍රිකා කුමාරතුංග සමග කටයුතු කර තිබෙනවා. මම කිසිම අවස්ථාවක ඇය වෙනුවෙන් ඡන්දය භාවිත කර නැහැ. ඇය එක් පක්ෂයකට අයිතියි මා තවත් පක්ෂයකට අයිතියි. මා රාජපක්ෂවරුන් සමග එක්ව කටයුතු කරනවා කරනවා කියන එකෙන් මා ඔහුගේ මිතුරෙක් යැයි හැඟෙන්නේ නැහැ. මා එතුලින් බලන්නේ මට තිබෙන අවස්ථාවන් සහ මගේ පක්ෂය ශක්තිමත් කර ගැනීමේ අවස්ථාවන් පිළිබඳ සොයා බලන්නට පමණයි.
