මෙරට දක්ෂ ව්‍යාපාරිකයෙකු වූ කැපිටල් මහරාජා සමූහයේ සභාපති ආර්. රාජමහේන්ද්‍රන් මහතා අභාවප්‍රාප්ත වූ පුවත අසා තමන් අතිශය ශෝකයට පත්වූ බව අග්‍රාමාත්‍ය මහින්ද රාජපක්ෂ මහතා පවසනවා.
ශෝක පණිවුඩයක් නිකුත් කරමින් අග්‍රාමාත්‍යවරයා පවසන්නේ ජනමාධ්‍ය ආයතන කිහිපයක හිමිකරුවෙකු ලෙස ජනතාවගේ තොරතුරු දැනගැනීමේ අයිතිය වෙනුවෙන් නිරන්තරයෙන් පෙනීසිටි ආර්. රාජමහේන්ද්‍රන් මහතා මෙරට රූපවාහිනිය සහ ගුවන්විදුලිය නව්‍යකරණයට ලක්කල පෙරගමන්කරුවෙක් බවයි.
ජනතාවට සත්‍ය තොරතුරු ලබාදීමෙන් ඔබ්බට යමින් ‘ගම්මැද්ද’ වැනි වැඩසටහන් ඔස්සේ ග්‍රාමීය ජනතාවගේ දියුණූවට මග පෑදූ ආර්. රාජමහේන්ද්‍රන් මහතා රට වෙනුවෙන් සිය යුතුකම් නොපිරිහෙළා ඉටුකල බවද අදාළ නිවේදනයේ සදහන්.
