අනුප්රාප්තික ජනාධිපතිවරයා ලෙස කවුරුන් පත් වුවද ඔහු පිළිගැනීමට ජනතාව සූදානම් වන්නේ නම් කිසිදු ගැටලුවකින් තොරව නව ජනාධිපතිවරයාට සහාය ලබාදීමට සිය කණ්ඩායම සූදානම් බව පාර්ලිමේන්තු මන්ත්රී විමල් වීරවංශ පවසනවා.
නව ජනාධිපතිවරයා තෝරා පත්කර ගැනීම පාර්ලිමේන්තුව හරහා සිදුවිය යුතු බවත්, මේ වනවිටත් ඒ සඳහා අපේක්ෂකයන් තුන් දෙනෙකු ඉදිරිපත් වීමේ සූදානමක් ඇතැයි වාර්තා වන බවත් වීරවංශ මහතා සඳහන් කරනවා. ඔවුන් තිදෙනාගෙන් කවුරුන් ජනාධිපති වුවද ඔහු පාර්ලිමේන්තු මන්ත්රීවරුන් බහුතරයකගේ සහාය ලබා ගැනීමට සිදුවන බවද මන්ත්රීවරයා පවසනවා.
රටම ගිනිගෙන ඇති අවස්ථාවක සියලුදෙනාම එක්විය යුත්තේ කෙසේ හෝ ගින්න නිවා දැමීම සඳහා මිස ගිනි තැබූයේ කවුද, ගිනි තැබූයේ කුමන හේතුවක් මතද යන්න සොයා බැලීම නොවන බව විමල් වීරවංශ ප්රකාශ කරනවා. එසේ වුවහොත් ගින්න තවදුරටත් ව්යාප්ත වී රට තව තවත් අගාධයට යනු ඇති බවයි මන්ත්රීවරයා අවධාරණය කරන්නේ.