අරගල සමයේ සිදු කළ ක්රියාවන් වර්තමාන සමාජයේ මතුව ඇති බොහෝ ගැටලුවට හේතු වී ඇති බව මහජන ආරක්ෂක අමාත්ය ටිරාන් අලස් මහතා පවසනවා.
පසුගියදා (16) රුහුණ විශ්වවිද්යාලයේ රබීන්ද්රනාත් තාගෝර් ශ්රවණාගාරයේ පැවති උත්සවයකට එක් වෙමින් අමාත්යවරයා මේ බව සඳහන් කළා.
අරගලය පැවතුණු කාල සීමාව තුළ අරගලකරුවන් සහ පෙළපාලි ආදිය සමඟ ගැටීම හැරෙන්නට මත්ද්රව්ය හෝ අපරාධ මර්ධනය කිරීම සඳහා පොලිසියට වේලාවක් නොතිබුණු බවද ටිරාන් අලස් මහතා මෙහිදී පවසා සිටියා.
එහිදී වැඩිදුරටත් අදහස් දැක් වූ මහජන ආරක්ෂක අමාත්ය ටිරාන් අලස් මහතා,
“අපි අවි ආයුධ හොයාගෙන ගෙදරට ආවොත් මොකක්ද වෙන්නේ, ඇතුල් වෙන පොලිස් නිලධාරීන් අවි ආයුධ දැක්කාම හිතන්නේ අපිට දැන් වෙඩි මේකෙන් කියලා. ඉතින් ඊට ඉස්සෙල්ලා අපි වෙඩි තියනවා. ඒක තමයි ඇත්ත කතාව. ඊට පස්සෙ පොලිසියෙන් ඇවිල්ල වෙඩි තියලා මැරුවා ඒ කතා මුකුත් වැඩක් නැහැ.”