ඉලංගෙයි තමිල්අරුසුකච්චි පක්ෂයේ නව නායකත්වය සඳහා එම පක්ෂයේ පාර්ලිමේන්තු මන්ත්රීවරුන් දෙදෙනෙකුගේ නම් යෝජනා වී තිබෙනවා.
ඒ අනුව පාර්ලිමේන්තු මන්ත්රීවරුන් වන එම්.ඒ. සුමන්තිරම් සහ සිවඥානම් ශ්රීධරන් නාමයෝජනා භාර දී ඇති බවට වාර්තා වනවා.
ඉලංගෙයි තමිල්අරුසුකච්චි පක්ෂයේ ජාතික සමුළුව ලබන වසරේ ජනවාරි මාසයේ පැවැත්වීමට සැලසුම් කර තිබෙන අතර එහිදී පක්ෂයේ නව නායකයා තෝරාපත් කරගනු ලබන බව සදහන්.
පක්ෂයේ මධ්යම කාරක සභාව රැස්වී නව නායකයා තීරණය කිරීමටත් නව නායකත්වය සඳහා වැඩි නාමයෝජනා සංඛ්යාවක් ලැබුණහොත් ඊට පසුව පොදු කාරක සභාව රැස්වී නව නායකත්වය තීරණය කිරීමටත් පසුගිය දා රැස්වු මධ්යම කාරක සභාවේ දී තීරණය වී තිබෙනවා.
කෙසේවෙතත් මීට පෙර කිසිදු අවස්ථාවක පක්ෂයේ නායකයා තෝරා ගැනීමට ඡන්දයක් නොපැවතුන අතර පක්ෂය විසින් ඒකමතිකව තෝරා ගැණුන පුද්ගලයා නායකයා ලෙස තෝරාපත්කර ගනු ලැබුවා.