ශ්රී ලංකා රජය ජාත්යන්තර මුල්ය අරමුදල සමඟ ඇති කරගෙන තිබෙන ගිවිසුම අනුව දෙවැනි ණය වාරිකය ලබා ගැනීමට පෙර සම්පුර්ණ කළ යුතු එකඟතා ප්රමාණය 62ක් වුවත් මේ දක්වා එකඟතා 25ක් සම්පුර්ණ කර ඇති බව වෙරිටේ රිසර්ච් ආයතනය පෙන්වා දෙනවා.
ජාත්යන්තර මුල්ය අරමුදලේ පර්යේෂණ විශ්ලේෂකවරිය ලෙස සේවය කර ඇති රිසර්ච් ආයතනයේ ජ්යෙෂ්ඨ පර්යේෂණ විශ්ලේෂකවරියක වන සුරේනි වීරතුංග මහත්මිය ශ්රී ලංකා රජය හා අයි.එම්.එෆ්. ආයතනය සමග ඇති කරගත් එකඟතාව පිළිබඳ සකස් කළ වාර්තාවේ මේ බව සඳහන්ව තිබෙනවා.
මේ අනුව 2023 අප්රේල් 30 දිනට පෙර සම්පුර්ණ කිරීමට නියමිතව තිබූ මහ බැංකු පනතට පාර්ලිමේන්තු අනුමැතිය ලබා ගැනීම හා ඔට්ටු හා සුරාබදු ඉහළ දැමීම යන එකඟතාවන් මේ දක්වා ශ්රී ලංකා රජය ඉටු කර නොමැති බවයි ඔවුන් පෙන්වා දෙන්නේ.
ඊට අමතරව මූල්ය විනිවිදභාවය සඳහා මාර්ගගත වේදිකාවක් නිර්මාණය කිරීම 2023.04.30ට පෙර ඉටු කරන බවට ශ්රී ලංකා රජය ජාත්යන්තර මූල්ය අරමුදල සමඟ එකඟ වී ඇත්ද එය මෙතෙක් සම්පුර්ණ කර නොමැති ඇති බව සඳහන්.
ඒ අනුව එළැඹෙන සැප්තැම්බර් මස 30 වනදා ජාත්යන්තර මුල්ය අරමුදලේ දෙවැනි ණය වාරිකය ලබා ගැනීම සඳහා ශ්රී ලංකා රජය සම්පුර්ණ කළ යුතු එකඟතාව ප්රමාණය 37කි.
වෙරිටේ රිසර්ච් ආයතනය කියා සිටින්නේ පසුගිය අප්රේල් 31ට පෙර සම්පූර්ණ කරන බවට ශ්රී ලංකා රජය ජාත්යන්තර මූල්ය අරමුදලට පොරොන්දු වී ඇති කරුණු දහයක තොරතුරු මේ දක්වා රජය ප්රකාශයට පත් කර නැති බවයි.