මැතිවරණයක් ප්‍රකාශයට පත් නොකළහොත් රට සිවිල් යුද්ධයකට ඇද වැටෙනු ඇතැයි පකිස්තාන ටෙහ්රීක්-ඊ-ඉන්සාෆ් (PTI) පක්ෂයේ සභාපති ඉම්රාන් ඛාන් අනතුු අගවයි.
නීත්‍යානුකූල සහ ව්‍යවස්ථාපිත ක්‍රම හරහා මැතිවරණයකට යාමට පාලක පක්ෂය තමන්ට ඉඩ නොදෙන්නේනම් රට සිවිල් යුද්ධයකට යනු ඇති බව ඔහු සම්මුඛ සාකච්ඡාවකට එක්වෙමින් පැවසීය.
හිටපු පකිස්තාන අගමැති ඉම්රාන් තවදුරටත් කියා සිටියේ ජාතික සභාවට නැවත පැමිණීමේ ප්‍රශ්නයක් තමන්ට නොමැති බවයි.
විරෝධතාකරුවන්ට ආරක්ෂාව සලසන ලෙසට තම පාර්ශවය කළ ඉල්ලීම සම්බන්ධයෙන් ශ්‍රේෂ්ඨාධිකරණය තීරණයක් ගන්නා තෙක් තමා බලා සිටින බවත් අනතුුව මීළඟ පාගමන සඳහා දින නිකුත් කරන බවත් ඉම්රාන් ඛාන් පවසයි.
පකිස්තානයේ වත්මන් දේශපාලන තත්ත්වය රටට මෙන්ම එහි අයාතනවලට ද ගැටලුවක් බව ඉම්රාන් ඛාන් වැඩිදුරටත් පවසා ඇත.
