ඉන්දියාව එක්සත් ජාතීන්ගේ ආරක්ෂක කවුන්සිලයේ නිත්ය සාමාජිකයෙකු විය යුතු බව සෞදි අරාබියේ තෙදින සංචාරය අතරතුරදී විදේශ කටයුතු අමාත්ය එස්. ජයශංකර් පවසා තිබේ.
විශාලතම ප්රජාතන්ත්රවාදී රට මෙන්ම පස්වන විශාලතම ආර්ථිකය, න්යෂ්ටික බලය සහ තාක්ෂණික කේන්ද්රස්ථානය ලෙස ඉන්දියාවට ආරක්ෂක කවුන්සිලයේ ස්ථිර සාමාජිකයෙකු වීමට ප්රබල අවස්ථාවක් තිබෙන බව ඔහු සෞදි දිනපතා පුවත්පතකට සම්මුඛ සාකච්ඡාවක් ලබාදෙමින් පැවසීය.
එක්සත් ජාතීන්ගේ ආරක්ෂක කවුන්සිලය, ගෝලීය තත්වයන්ට අනුවර්තනය විය යුතු බවත් ජාත්යන්තර ආරක්ෂාව පවත්වා ගැනීමේ එහි අරමුණු ඉටු කිරීමට පමණක් නොව ඊට අදාළව සිටීමට ද අවශ්ය බවත් ඔහු පෙන්වා දී ඇත.
ජයශංකර් සෞදි අරාබිය වැදගත් රාජ්යක් ලෙස හැඳින්වූ අතර එහි ආකර්ෂණීය වර්ධන වේගය මෙන්ම බලශක්ති වෙළඳපොලේ එහි කේන්ද්රීය ස්ථානය ද ඊට හේතු බව සදහන් කරනු ලැබිණ.
මේ අතර, 2021-22 කාලය තුළ ඉන්දියාව සමඟ සෞදි අරාබියාවේ වෙළඳාම ඩොලර් බිලියන 42 කට වඩා වැඩි බව සදහන් වේ.
එමෙන්ම මෙම සංචාරයේ දී අමාත්යවරයා සෞදියේ ඔටුන්න හිමි මොහොමඩ් බින් සල්මාන් කුමරු හමුවී ඉන්දියාවේ සංචාරයකට ආරාධනා කරමින් අග්රාමාත්ය නරේන්ද්ර මෝදිගේ ලිඛිත පණිවිඩයක් භාර දී තිබේ.
ජයශංකර් සෙනසුරාදා රියාද් වෙත පැමිණි අතර ඔහු සහ සෞදි විදේශ අමාත්ය ෆයිසාල් බින් ෆර්හාන් අල් සවුද් කුමරු ද්විපාර්ශ්වික සබඳතාවල ප්රගතිය සමාලෝචනය කර ඇති බව පැවසේ.