බටහිර රාජස්ථාන් ප්‍රාන්තයේදී මියගිය 74 හැවිරිදි පුද්ගලයෙක් Omicron ප්‍රභේදය හේතුවෙන් මියගිය ඉන්දියාවේ පළමු මරණය බව ඉන්දියානු සෞඛ්‍ය අමාත්‍යාංශය නිවේදනය කරනවා.
සෞඛ්‍ය බලධාරීන් සදහන් කරන්නේ මෙම පුද්ගලයා දියවැඩියාව සහ වෙනත් නිදන්ගත රෝග තත්ත්වයන්ගෙන්ද පීඩා විදි බවයි.
එමෙන්ම මෙම පුද්ගලයා සම්පූර්ණයෙන් එන්නත්කරණයට ලක්ව සිටි පුද්ගලයෙක් බවද සෞඛ්‍ය අංශ පවසනවා.
ඉන්දියාවේ මේ වන විට Omicron රෝගීන් 2,630 ක් වාර්තා වනවා.
පසුගිය බ්‍රහස්පතින්දා වන විට කොවිඩ් ආසාදිතයින් 90,000 කට වඩා වාර්තා වී ඇති අතර එය සතියක් තුළ 6 ගුණයක වර්ධනයක් බවයි සෞඛ්‍ය අංශ පෙන්වා දෙන්නේ.
විශේෂඥයින් පවසන්නේ මෙම තත්ත්වයට හේතුව ඔමික්‍රෝන් ප්‍රභේදය බවයි.
