යුක්රේනයේ ඉන්දීය තානාපති හර්ෂ් කුමාර් විසින් යුක්රේනයේ ජනතාව වෙනුවෙන් ලබාදීම සදහා මානුෂීය ආධාර කිලෝග්රෑම් 7,725 ක් එරට සෞඛ්ය නියෝජ්ය අමාත්ය ඔලෙස්කි යරෙමෙන්කෝ වෙත භාරදී තිබේ.
කිලෝග්රෑම් 7,725 ක ආධාර තොගයට අත්යවශ්ය ඖෂධ සහ වෛද්ය උපකරණ ඇතුළත් විය.
ඉන්දියාව මාර්තු මාසයේදී යුක්රේනයට මානුෂීය ආධාරයේ පළමු කොටස යවා තිබිණ.
යුක්රේනයේ ගැටුමේ ආරම්භයේ සිටම, ඉන්දියාව ගැටුම් වහාම නතර කරන ලෙසත් ප්රචණ්ඩත්වය අවසන් කරන ලෙසත් නිරන්තරයෙන් ඉල්ලා සිටියේය.
රාජ්ය තාන්ත්රික මාවතට නැවත පැමිණෙන ලෙස ඉන්දියාව දෙපාර්ශ්වයෙන් ඉල්ලා ඇති අතර ගැටුම අවසන් කිරීම සඳහා වන සියලුම රාජ්යතාන්ත්රික ප්රයත්නයන් සඳහා සිය සහය ද ප්රකාශ කර තිබේ.
මේ අතර, යුක්රේන ගැටුමේ බලපෑම යුරෝපයට පමණක් සීමා නොවන බව අවධාරණය කළ ඉන්දියාව, විශේෂයෙන් සංවර්ධනය වෙමින් පවතින රටවල ආහාර, පොහොර සහ ඉන්ධන සුරක්ෂිතතාව පිළිබඳ උත්සුකයන් උග්ර කර ඇති බව අවධාරණය කරයි.