නවදිල්ලියේ දී ආරම්භ වූ පළමු ගෝලීය බෞද්ධ සමුළුවේදී ඉන්දීය අග්රාමාත්ය නරේන්ද්ර මෝදි බුදුරජාණන් වහන්සේගේ උතුම් ඉගැන්වීම් ඉස්මතු කළේය.
“ගෞතම බුදුන්ගේ උතුම් ඉගැන්වීම් සියවස් ගණනාවක් පුරා අසංඛ්යාත මිනිසුන්ට බලපෑම් කර ඇත. බුදුරජාණන් වහන්සේගේ ඉගැන්වීම් වලින් ආභාෂය ලබා ඉන්දියාව ගෝලීය සුබසාධනය සඳහා නව මුලපිරීම් ගනිමින් සිටී,” අගමැති මෝදි පැවසීය.
“බුද්ධ යනු පුද්ගලයාට එහා ගිය අවබෝධයකි, බුද්ධ රූපයෙන් ඔබ්බට වූ සිතිවිල්ලකි, බුද්ධ රූපයෙන් ඔබ්බට ගිය විඤ්ඤාණයකි, මේ බුද්ධ විඤ්ඤාණය සදාකාලිකයි, නියතයි…” අගමැති මෝදි පැවසීය.
ඉන්දියාව සංවර්ධිත රටක් බවට පත් කිරීම සඳහා ‘අම්රිත් කාල්’ හරහා ඉදිරියට යන බවත්, ඒ පිටුපස ඇති ලොකුම ආනුභාවය බුදු රජාණන් වහන්සේ බවත් අගමැති මෝදි වැඩිදුරටත් පැවසීය.
ඉන්දියාව බුදු රජාණන් වහන්සේගේ වටිනාකම් අඛණ්ඩව ප්රචලිත කළ බව අගමැති මෝදි පැවසීය. “බුද්ධ මාර්ගය පරියක්ති, පටිපත්ති සහ පටිවේධ වේ. න්යාය, ප්රායෝගිකත්වය සහ අවබෝධය යන්නෙන් අදහස් කෙරේ. පසුගිය වසර 9 තුළ ඉන්දියාව මේ කරුණු තුනෙන්ම වේගයෙන් දියුණු වී ඇත,” ඔහු පැවසීය.
“අද ලෝකය දුක් විඳින යුද්ධයට සහ නොසන්සුන්තාවයට සියවස් ගණනාවකට පෙර බුදුරජාණන් වහන්සේ විසඳුමක් ලබා දුන්නා. ගැටලු විසඳීමේ ගමන බුදුන්ගේ ගමනයි. ඉන්දියාව සෑම මිනිසෙකුගේම දුක තමන්ගේම දුකක් ලෙස සලකයි,” අගමැති මෝදි පැවසීය.