ඉන්දීය සමාගමක් මොංගෝලියාවේ උලාන්බතෝර් අගනුවර ප්රථම හරිතමය තෙල් පිරිපහදුව ඉදිකිරීමට සූදානම් වන බව වාර්තා වේ.
ඉන්දියාවේ හයිද්රාබාද් පදනම් කරගත් Megha Engineering and Infrastructures Limited (MEIL) වෙත මොංගෝලියාවේ ප්රථම තෙල් පිරිපහදුව රට තුළ ගොඩනැගීමට අදාළ ව්යාපෘතිය සඳහා අවසර ලැබී තිබේ.
සමාගම විසින් ඇමරිකානු ඩොලර් මිලියන 790 ක වියදමින් මොංගෝලියාවේ උසස් තාක්ෂණය භාවිතා කරමින් මෙය ඉදිකරනු ඇති බව පැවසේ.
මෙම ව්යාපෘතිය ඉන්දීය රජයේ විදේශ කටයුතු අමාත්යාංශයේ සංවර්ධන හවුල්කාරිත්ව පරිපාලන මුලපිරීමේ කොටසක් වන අතර එය ඉදිකරනු ලබන්නේ ඉන්දීය රජයේ ණය ආධාරයක් භාවිතා කරමිනි.
ඉදිරි වසරවලදී, මෙම පිරිපහදුව රැකියා අවස්ථා ගණනාවක් විවෘත කරනු ඇති බවත්, අසල ඇති කුඩා කර්මාන්තවල වර්ධනයට සහය දැක්වීම හරහා මොංගෝලියාවේ ආර්ථික සංවර්ධනයට මග පාදනු ඇති බවත් විදෙස් වාර්තා පවසයි.