ඉන්දියාවේ ඉදි කෙරෙමින් පැවති දැවැන්ත පාලමක් සුළඟකට හසු වීමෙන් කඩා වැටී තිබෙනවා.
තෙලන්ගානා ප්‍රාන්තයේ පැවති පාලමක් මෙලෙස කඩා වැටීමකට ලක්ව ඇති බවයින් ඉන්දීය මාධ්‍ය වාර්තා කළේ.
අධික සුළං තත්ත්වය සමඟ පාලමේ අඩි 100ක පමණ කොන්ක්‍රීට් කොටසක් කඩා වැටී ඇති බව තවදුරටත් සඳහන්.
එම පාලම කඩාවැටීමට සුළු මොහොතකට පෙර එම ස්ථානයෙන් මංගල උත්සවයක පුද්ගලයින් 65 දෙනෙකු රැගත් බස් රථයක් ද ගමන්කර තිබෙනවා.
කෙසේවෙතත් මෙම අනතුරින් ඔවුන් කිසිවෙකුට අනතුරක් නොවීම විශේෂත්වයක්.
සිද්ධිය සම්බන්ධයෙන් එරට බලධාරීන් මේ වනවිට විමර්ශනයක් ආරම්භ කර තිබෙනවා.
2016 වසරේදී ඉදි කිරීම ආරම්භ කර ඇති මෙම පාලම සාදා නිම කිරීම සඳහා කෝටි 46 ක මුදලක් ඇස්තමේන්තුගත කර ඇති බව ඉන්දීය මාධ්‍ය වාර්තා කරනවා.
වසරක් ඇතුළත මෙම පාලම සාදා නිම කරන බව පැවසුවත් එය තවමත් ඉදි නොකිරීම සම්බන්ධයෙන් ජනතාව බලධාරීන්ට චෝදනා කර තිබෙනවා.
