මාස ගණනක සාකච්ඡාවලින් අනතුරුව ඉරානයේ ඇෆ්ගන් තානාපති කාර්යාලය ඇෆ්ගන් අන්තර්වාර රජය වන තලේබාන් සංවිධානයට පැවරීමට ඉරාන විදේශ අමාත්යාංශය සැලසුම් කර ඇති බව නිල නොවන ආරංචි මාර්ග සඳහන් කරයි.
මේ සම්බන්ධයෙන් බරපතල තීරණයක් ගෙන ඇති බව ඉරාන විදේශ අමාත්යාංශයේ නිලධාරීන් සමඟ සම්බන්ධතා පැවැත්වූ ඇෆ්ගන් රාජ්ය තාන්ත්රිකයකු ජනමාධ්ය වෙත පවසා ඇත.
මීට පෙර, ඇෆ්ගනිස්ථාන විදේශ අමාත්යාංශය ලිපියක් මගින් ප්රකාශ කළේ මොහොමඩ් අෆ්සාල් හකානි ඉරානයේ තානාපතිවරයා ලෙස පත් කළ බවයි.
තානාපති කාර්යාලයේ පළමු ලේකම්වරයා ලෙස හකානි ඉරානයේ රාජ්ය තාන්ත්රික දූත මණ්ඩලය භාරව කටයුතු කරන බව එම ලිපියේ සඳහන් විය.
මුලදී, හකානි ටෙහෙරානයේ සිට කාබුල් දක්වා ගමන් කර ඇති නමුත්, පසුව ටෙහෙරානයේ ඇෆ්ගන් තානාපති කාර්යාලයේ ප්රධානියා ලෙස පත්වීමේ ලිපිය සමඟ ආපසු පැමිණ තිබේ.
ඉරාන විදේශ අමාත්යාංශය හකානි ටෙහෙරානයේ නව තානාපතිවරයා ලෙස පිළිගෙන තිබුණේ නැත. දැන් මේ සම්බන්ධයෙන් බරපතළ තීරණයක් ගෙන ඇතැයි ඇෆ්ගන් රාජ්ය තාන්ත්රික නිලධාරියා පවසයි.