ජනාධිපතිවරයා හරහා මන්ත්රී ප්රතිපාදන ලෙස රුපියල් මිලියන 69 කට ආසන්න මුදලක් ලබා ගත් සමගි ජන බලවේගය පක්ෂයේ පාර්ලිමේන්තු මන්ත්රී කවින්ද ජයවර්ධන අන්තර්ජාල නාලිකාවක් ඔස්සේ සාකච්ඡාවකට එක්වෙමින් ඒ සම්බන්ධ කරුණු හෙළිකර තිබෙනවා.
එහි දී ඔහු පෙන්වා දී ඇත්තේ අදාළ මුදල් ප්රතිපාදන විමධ්යගත අරමුදලින් මන්ත්රීවරුන් සඳහා වෙන් කරන ඒවා බවයි.
තමන් පමණක් නොව තවත් මන්ත්රී කණ්ඩායමක් ද මෙලෙස මුදල් ලබාගෙන ඇති නමුත් තමන් ඇතුළු කීපදෙනෙකුගේ නම් පමණක් උලුප්පා දක්වමින් ඇතැම් පිරිසක් දේශපාලන ගැටුමක් නිර්මාණය කිරීමට උත්සාහ කරන බවද ඔහු මෙහිදී සඳහන් කර තිබෙනවා.
තමන්ට රනිල් වික්රමසිංහ හමුවීමට කිසිදු බාධාවක් නොමැති බවත් තමා කැමති ඕනෑම මොහොතක ඔහු හමුවන බවත් පැවසූ කවින්ද ජයවර්ධන මන්ත්රීවරයා පසුගිය මහ සිකුරාදා දිනයේදී කොළඹ පිහිටි කාමර දෙකකින් සමන්විත තම කුඩා අපාර්ට්මන්ට් එකේ රාත්රී සාදයකට ජනාධිපති රනිල් වික්රමසිංහ පැමිණි බවද පිළිගනු ලැබුවා.
එම සාදය සඳහා විපක්ෂ නායක සජිත් ප්රේමදාසට ආරාධනා කර තිබුණද ඔහු වෙනත් කටයුත්තක් හේතුවෙන් ඊට සහභාගි නොවූ බවද කවින්ද ජයවර්ධන මෙම සාකච්ඡාවේදී සඳහන් කර තිබෙනවා.
සමගි ජන බලවේගයේ මන්ත්රීවරුන් හය දෙනෙකු සඳහා විමධ්යගත අරමුදලින් රුපියල් කෝටි 32කට අධික මුදලක් ජනාධිපතිවරයාගේ මැදිහත් වීම මත වෙන් කිරීම සම්බන්ධයෙන් මේ වන විට දේශපාලන අභ්යන්තරයෙහි උණුසුම් කතාබහ නිර්මාණය වී තිබෙනවා.
අදාළ සාකච්ඡාව පහලින්.