යූරෝ කුසලාන තරඟාවලියේ තවත් අර්ධ අවසන් පූර්ව වටයේ තරඟයක් බෙල්ජියම සහ ඉතාලිය අතර පැවැත්වුණා.
ඉතාලිය යූරෝ කුසලාන තරඟාවලියක අර්ධ අවසන් පූර්ව වටයට අඛණ්ඩව පිවිසි සිව්වන අවස්ථාව මෙයයි.
තරඟයේ 13 වන මිනිත්තුවේදීම ගෝලයක් වාර්තා කරන්නට Leonardo Bonucci සමත් වුවද VAR හෙවත් වීඩියෝ තාක්ෂණික සහය ලබාගත් පිටියේ ප්රධාන විනිසුරු එය off side ගෝලයක් ලෙස තහවුරු කරගත්තා.
Nicolo Barella තරඟයේ 31 වන මිනිත්තුවේදී ගෝලයක් ලබා ගනිමින් ඉතාලිය 1-0ක් ලෙස පෙරමුණට රැගෙන ආවා.
44වන මිනිත්තුවේදී යළි ක්රියාත්මක වූ Lorenzo Insigne ඉතාලිය වෙනුවෙන් දෙවන ගෝලයත් වාර්තා කළේ අවසන් පූර්ව වටය පිළිබඳ වැඩි බලාපොරොත්තු ගොඩනඟමින්.
47වන මිනිත්තුවේදී ලැබුණු දඬුවම් පහර සාර්ථක කරගත් Romelu Lukaku පළමු අර්ධය නිමාවන විට බෙල්ජියමට යම් සහනයක් ගෙනදුන්නා.
දෙවන අර්ධය තුළ ඉතාලියට ගෝල රැස්කිරීමට අවස්ථාව නොදුන්ද ගෝල වාර්තා කිරීමට තමන්ද අපොහොසත් වීම හේතුවෙන් බෙල්ජියමේ යූරෝ කුසලාන පාපන්දු සිහිනය අර්ධ අවසන් පූර්ව වටයේදීම බිඳවැටුණා.
සිය ජාත්යන්තර තලයේ අත්දැකීම් අපූරුවට යොදා ගනිමින් තරඟය කලමණාකරණය කරගනිමින් 2-1ක් ලෙස තරඟය ජයගත් ඉතාලිය අවසන් පූර්ව වටයේ සිය ස්ථානය වෙන්කර ගත්තා.