මැකාෆි (McAfee) ප්‍රතිවෛරස් මෘදුකාංගයේ නිර්මාතෘ වන ජෝන් මැකාෆි ස්පාඤ්ඤයේ බාර්සිලෝනා හි සිර මැදිරියක් තුළ මියගොස් සිටිය දී හමු වී ඇත.
75 හැවිරිදි මැකාෆි මියගොස් ඇත්තේ සිය දිවි හානි කර ගැනීමෙන් යැයි වෛද්‍යවරුන් පවසා තිබේ.
බදු නොගෙවීම හේතුවෙබ් මැකාෆි එක්සත් ජනපදයට පිටුවහල් කිරීමට ගත් තීරණයෙන් පසු මෙසේ මියගොස් ඇති බව වාර්තා වේ.
එක්සත් රාජධානියේ ග්ලූස්ටර්ෂයර් හි උපත ලැබූ මැකාෆිට ලැබෙන ආදායමට අදාළව බදු ගෙවීම පැහැරහැරීම සහ වාර්තා චිත්‍රපටයක් සඳහා ඔහුගේ ජීවිත කතාවේ අයිතිය විකිණීම යන චෝදනා ද එල්ල විය.
1980 දශකයේ අගභාගයේදී වෛරස ප්‍රහාරවලට එරෙහිව මැකාෆි ප්‍රති-වයිරස මෘදුකාංගය නිර්මාණය කිරීම හේතුවෙන් කෙටි කලකින් ධනවත් වූ මැකාෆි 2020 ඔක්තෝම්බර් මාසයේදී බාසිලෝනා ජාත්‍යන්තර ගුවන් තොටුපලේදී අත්අඩංගුවට ගනු ලැබීය.
